1 Samuel 26:17 - Mbeti ti Nzapa - Tënë so amu fini

¹⁷ Saul ahinga atene, so go ti David laa; lo hunda ndo, lo tene: “David, molenge ti mbi, so taa go ti mo laa?” David akiri tënë: “Go ti mbi laa gbia, kota zo ti mbi.”

1 Samuel 26:17 ပူးပေါင်းရင်းမြစ်များ

Tongo nda ti aye 37:33

Jacob abaa ni, lo hinga ni si lo dekongo, lo tene: “Bongo ti molenge ti mbi laa! Mbeni sioni nyama asuru ya ti Joseph kue si ate lo!”

1 Samuel 24:16

KOTA GBIA laa ayeke fâ ande ngbanga na popo ti mbi na mo. Lo yeke baa ya ti tënë so nzoni, lo yeke gbu koko ti mbi, lo yeke fâ ya ti ngbanga so si lo yeke zi mbi na maboko ti mo.”

1 Samuel 24:17

So David atene tënë so awe, Saul ahunda ndo, atene: “David molenge ti mbi, taa go ti mo laa?” Na pekoni, Saul ati na kota toto.

1 Samuel 24:8

Na lege ti tënë so, David akanga lege na azo ti lo ti tiri bira na Saul. Saul asigigi na ya ti du ti têne ni si lo gue.