1 Samuel 26:12 - Mbeti ti Nzapa - Tënë so amu fini

¹² David amu likongo nga na ngângâ ti ngu so ayeke nduru na mbage ti li ti Saul si ala hon. Mbeni zo oko abaa ala pepe, mbeni zo oko ahinga ye daa pepe, mbeni zo oko azingo na lango pepe. Ala kue akui na lango; KOTA GBIA laa asara si kota lango ahon ndö ti ala biani.

1 Samuel 26:12 ပူးပေါင်းရင်းမြစ်များ

Tongo nda ti aye 15:12

Na lakui, Abram ati na kota lango. Kota mbeto agbu lo; ndo avuko pitipiti na ndö ti lo.

Tongo nda ti aye 2:21

KOTA GBIA Nzapa asara si zo ni ati na ya ti kota lango. Lo zi mbeni bio oko ti kate ti zo si lo kanga kasa ti tere ti zo na plase ni.

Esther 6:1

Na bi ni so, gbia aye ti lango, lo lango gbaa. Tongaso lo hunda titene a ga na lo ambeti-sango ti ngu oko oko ti kodro ni; so ti tene mbeti so a su akota tënë ti kodro ni daa so. A ga na mbeti ni si a diko ni na lo.

Ésaïe 29:10

Biani, *KOTA GBIA asara si yingo ti kota lango aga na ndö ti ala. Lo kanga le ti awayanga-Nzapa ti ala, lo bi bongo na le ti azo ti bango nda ti aye ti ala.

1 Samuel 24:4

Saul asi na gbagba ti ataba so ayeke na yanga ti lege. Mbeni du ti têne ayeke kâ. Saul ali na ya ni ti sara puru. Andaa David na azo ti lo ayeke na ngbonda ti du ti têne ni.

1 Samuel 26:13

David ahon na mbage ti popo-hoto. Kâ, lo luti yongoro na li ti hoto; popo ti lo na Saul ayo.

1 Samuel 26:7

David na Abishai alondo na bi ni, ala gue, asi na tere ti aturugu ni. Baa, Saul ayeke lango ti lo taa gi na ya ti bâbâ ni. Lo kpo likongo ti lo na sese, nduru na mbage ti li ti lo. Abner na aturugu ni ayeke lango na tere ti lo angoro lo.