1 Samuel 26:11 - Mbeti ti Nzapa - Tënë so amu fini

¹¹ Ayeke nzoni KOTA GBIA abata mbi si mbi sara sioni pepe na zo so KOTA GBIA atuku mafuta na li ti lo! Mu gi likongo so ayeke nduru na mbage ti li ti lo, nga na ngângâ ti ngu si e gue.”

1 Samuel 26:11 ပူးပေါင်းရင်းမြစ်များ

2 Samuel 1:14

David atene na lo: “Tongana nyen laa mbeto ti fango gbia so KOTA GBIA atuku mafuta na li ti lo asara mo pepe so?”

2 Samuel 1:16

David atene na zo ti mara ti Amalek ni, atene: “Mene ti mo ayeke kiri na li ti mo wani! Tënë ti yanga ti mo wani laa afâ mo, ngbanga ti so mo tene: ‘Mbi laa mbi fâ gbia so KOTA GBIA atuku mafuta na li ti lo.’ ”

2 Samuel 19:22

Abishai, so iri ti mama ti lo ayeke Seruya amu tënë si lo tene: “Shimei so lani azonga gbia so *KOTA GBIA asoro lo so, tënë so lo tene so laa alingbi ti kanga lege ti fâ lo?”

Abia (Psaumes) 17:4

Ataa so sarango ye ti ambeni zo ayeke kirikiri, mbi sara ye alingbi na tënë ti yanga ti mo, mbi mu peko ti azo ti sioni yanga pepe;

Rome 12:17

Tongana mbeni zo asara sioni na ala, ala kiri peko ni na lo pepe. Ala gi lege ti sara ye so ayeke nzoni na le ti azo kue.

Rome 12:19

A-ita ti mbi so mbi ye ala mingi, tongana zo asara sioni na ala, ala wani akiri peko ti sioni ni na zo ni pepe; me ala zia lege na ngonzo ti Nzapa ti sara ye na zo ni, ndali ti so na ya ti Mbeti ti Nzapa, Kota Gbia atene: “Mbi laa mbi yeke kiri peko ti sioni na zo so asara sioni, mbi laa mbi yeke kiri peko ti ye alingbi na sarango ye ti zo.”

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

1 Samuel 12:3

Baa, mbi laa na dawa ti ala so. Tongana mbi sara mbeni ye ti sioni, ayeke nzoni ala fa ni na le ti *KOTA GBIA nga na le ti gbia so lo soro lo so. Zo wa laa mbi mu bagara ti lo wala lele ti lo, zo wa? Zo wa laa mbi mu ye ti lo na haram wala mbi sara ngangu na lo, zo wa? Zo wa laa apete goro na mbi si mbi kanga le na ndö ti tënë ti lo, zo wa? Fade mbi yeke kiri na ni na lo.”

1 Samuel 24:12

Babâ gbia, baa ye! Baa yanga ti kota bongo ti mo laa ayeke na maboko ti mbi so! So mbi fâ yanga ti kota bongo ti mo si mbi fâ mo pepe so, ayeke nzoni mo hinga, mo tene, be ti mbi ayeke sioni na tere ti mo pepe, wala be ti mbi ake mo pepe si mbi sara nga sioni ti ke mo pepe. Mo laa mo yeke tumba peko ti mbi ti fâ mbi.

1 Samuel 24:4

Saul asi na gbagba ti ataba so ayeke na yanga ti lege. Mbeni du ti têne ayeke kâ. Saul ali na ya ni ti sara puru. Andaa David na azo ti lo ayeke na ngbonda ti du ti têne ni.

1 Samuel 24:6

Na peko ti aye so, be ti David apika mingi, ngbanga ti so lo fâ yanga ti kota bongo ti Saul.