1 Samuel 25:39 - Mbeti ti Nzapa - Tënë so amu fini

³⁹ David ama a tene, Nabal akui si lo tene: “Mbi mu singila mingi na *KOTA GBIA so agbu koko ti mbi ndali ti zonga so Nabal azonga na mbi so. Mbi mu singila na KOTA GBIA so akanga lege na mbi, zo ti kua ti lo si mbi sara sioni oko pepe so. KOTA GBIA asara si sioni ti Nabal akiri na li ti lo wani.” Na pekoni, David atokua azo na Abigail ti tene na lo, tongana lo yeda, ni mu lo ti ga wali ti ni.

1 Samuel 25:39 ပူးပေါင်းရင်းမြစ်များ

2 Samuel 1:16

David atene na zo ti mara ti Amalek ni, atene: “Mene ti mo ayeke kiri na li ti mo wani! Tënë ti yanga ti mo wani laa afâ mo, ngbanga ti so mo tene: ‘Mbi laa mbi fâ gbia so KOTA GBIA atuku mafuta na li ti lo.’ ”

1 Agbia 2:44

Gbia atene na Shimei: “Mo hinga na be ti mo sioni so kue mo sara na babâ ti mbi David. Fade KOTA GBIA ayeke sara titene ngbanga ti sioni ti mo ati na li ti mo wani.

Esther 7:10

Ala kanga go ti Haman na nduzu na tere ti keke so lo wani, lo leke ndali ti Mardochée. Na pekoni, ngonzo ti gbia ade.

Esther 9:25

Me so Esther ague, abaa gbia, gbia amu yanga titene a su mbeni mbeti ti sara titene sioni so Haman aye ti sara na azuife so akiri gi na ndö ti lo wani; a mu Haman a kanga go ti lo na tere ti keke na nduzu, lo na amolenge ti lo baleoko.

Abia (Psaumes) 7:16

Zo so azi du si lo zi ni ali mingi, lo wani, lo yeke ti na ya ni.

Abia (Psaumes) 9:5

ngbanga ti so mo fâ ngbanga ti mbi mbirimbiri, mo gbu koko ti mbi awe. Mo duti na ndö ti mbata ti mo ti gbia, mo so mo yeke wafango-ngbanga ti mbirimbiri.

Amato 18:22

Zo so awara wali, andaa lo wara nzoni ye; so nzoni be laa KOTA GBIA asara na lo.

Amato 19:14

Na peko ti kuâ ti ala, ababâ ayeke zia da na nginza na amolenge ti ala, me KOTA GBIA laa ayeke mu wali ti ndara na zo.

Amato 22:23

Biani, fade KOTA GBIA ayeke gbu koko ti ala; azo so azi aye ti awayere na ti azo ti mawa ni so, fade KOTA GBIA ayeke zi fini ti ala.

Amato 31:10

Zo wa laa ayeke wara wali so alingbi, zo wa? Wali so alingbi ane na le ti azo ahon atêne ti ngangu ngere!

Amato 31:30

Pendere ayeke handa zo; pendere ti tere ayeke ninga pepe. Gi wali so akpe mbeto ti KOTA GBIA, wali so alingbi titene azo agonda lo laa.

B. ti abia 8:8

E yeke na ngambe ti e ti wali, me ti lo ade ti sigigi pepe. E yeke sara ande nyen na ita ti e ti wali ni na lango so koli atene tënë ti mungo lo?

Mishe 7:9

Ayeke nzoni mbi kanga be ti mbi na ngonzo ti KOTA GBIA, ngbanga ti so mbi sara siokpari ti ke ti lo. Me mbeni lango ayeke ga so fade lo yeke mu tënë ti mbi na maboko ti lo, lo yeke sara si fango ngbanga ti mbi aduti na legeni. Lo yeke zi mbi na ya ti vukongo ndo ti zia mbi na ya ti lumiere si fade mbi yeke baa aye ti lo so lo sara ni na lege ti mbirimbiri.

2 Korente 13:7

E yeke sambela Nzapa titene ala sara ye ti sioni oko pepe. E ye ti fa na ala pepe e tene, sarango ye ti e ayeke na legeni; me e ye ti baa ala na sarango ye ti nzoni. Tongana azo ayeke baa ala na sarango ye ti nzoni si azo ni atene, e yeke sara kua nzoni pepe, so ayeke senge.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

Awafango-ngbanga 5:2

“Na kodro ti Israel, zo oko oko ayeke nduru ti tiri bira, azo ayeda na be ti ala ti gue na bira: ala mu singila na *KOTA GBIA!

1 Samuel 24:15

Gbia ti Israel ague ti tiri bira na zo wa? Mo yeke tumba peko ti zo wa? Mo yeke tumba peko ti kuâ ti mbo, mo yeke tumba peko ti buba mandere!

1 Samuel 25:26

*KOTA GBIA ayeke na fini! Mo nga, mo yeke na fini! KOTA GBIA laa akanga lege na mo, babâ ti mbi titene mo ga, mo tuku mene ti azo pepe si mo fâ nga ngbanga ti mo, mo wani pepe. Ayeke nzoni ye so asi na Nabal asi na awato ti mo, ala so ayeke gi lege ti fâ mo so.

1 Samuel 25:32

David atene na Abigail: “Mbi mu singila na KOTA GBIA, Nzapa ti Israel so atokua mo laso ti wara mbi so.

1 Samuel 25:34

Mbi tene na mo taa-tënë: KOTA GBIA, Nzapa ti Israel ayeke na fini! Lo laa lo kanga lege na mbi ti sara sioni na mo. Tongana mo ga fade mo wara mbi hio pepe, ka kekereke na ndaperere mbeni koli ti da ti Nabal oko angba na fini pepe.”

1 Samuel 25:40

Azo ni ague, asi na ndo ti Abigail na kodro ti Karmel si ala tene na lo: “David atokua e ti tene na mo, lo ye ti mu mo ti ga wali ti lo.”

1 Samuel 26:10

David atene: “KOTA GBIA ayeke na fini! KOTA GBIA wani laa ayeke fâ lo. Tongana lango ti kuâ ti lo alingbi, fade lo yeke kui, wala tongana lo gue na bira, fade lo yeke kui.