1 Samuel 25:38 - Mbeti ti Nzapa - Tënë so amu fini

³⁸ Lango baleoko na pekoni, KOTA GBIA apika Nabal si lo kui.

1 Samuel 25:38 ပူးပေါင်းရင်းမြစ်များ

2 Samuel 6:7

Ngonzo ti KOTA GBIA alondo na tere ti Uza. Nzapa afâ lo, ngbanga ti sarango ye ti buba ti lo. Lo kui gi na ndo so, na tere ti sanduku ti mbuki ti Nzapa ni.

2 Agbia 15:5

KOTA GBIA abi sioni kobela na tere ti Azaria: lo ga zo ti buruma; lo ngba zo ti buruma ni ngbii lo kui na ni, lo lango gi lo oko na ya ti mbeni da nde. Molenge ti lo Yotam, makonzi ti aye ti yangbo ti gbia laa ayeke sara komandema na ndö ti kodro-gbia ni.

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

2 Mbai 10:15

Tongaso, gbia ama tënë ti azo ni pepe. Nzapa asara ye ni tongaso titene ye ni asi alingbi na tënë so *KOTA GBIA atene na Yeroboam, molenge ti Nebat na lege ti wayanga-Nzapa Ahia, zo ti kodro ti Silo.

2 Mbai 13:20

Na ngoi so Abia ayeke gbia, Yeroboam akiri awara ngangu oko pepe. Na ndani, KOTA GBIA apika lo si lo kui.

Abia (Psaumes) 104:29

Me tongana mo honde le ti mo na ala, mbeto agbu ala ahon ndoni; tongana mo zi pupu so ayeke na ya ti ala, lango ti ala ayeke hunzi, ala kiri na ya ti fuku ti sese.

Abia (Psaumes) 73:19

Gi hio tongaso, ye kue abuba awe! Ti ala ahunzi awe, mbeto afâ ala awe!

Sigingo 12:29

Na be ti bi, KOTA GBIA afâ akozo molenge-koli kue na ya ti kodro ti Ezipte: ti londo na kozo molenge ti gbia Faraon ti koli, lo so lo lingbi fade ti duti gbia na peko ti babâ ti lo, ngbii asi na kozo molenge ti azo so a gbu ala na kodro wande si abi ala na da ti kanga. Lo fâ nga akozo molenge-koli ti anyama.

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

1 Samuel 25:33

Mbi mu singila ndali ti nzoni sarango ye ti mo; mbi mu nga singila na mo, mo so mo kanga lege na mbi laso ti tuku mene ti azo, ti fâ ngbanga ti mbi wani pepe.

1 Samuel 25:37

Na ndaperere ni, tongana samba ahunzi na le ti Nabal awe, wali ti lo atene na lo peko ti ye so asi so. Be ti Nabal afun kue si tere ti lo akiri awoko kue.

1 Samuel 26:10

David atene: “KOTA GBIA ayeke na fini! KOTA GBIA wani laa ayeke fâ lo. Tongana lango ti kuâ ti lo alingbi, fade lo yeke kui, wala tongana lo gue na bira, fade lo yeke kui.

1 Samuel 6:9

Fade ala yeke baa: tongana sanduku ti mbuki ni amu lege ti gue na sese ti Israel na mbage ti gbata ti Bet-Shemesh, andaa KOTA GBIA wani laa asara titene asioni ye so kue asi na e. Tongana sanduku ni amu mbeni lege nde, fade e hinga, e tene, Nzapa laa asara asioni ye so na e pepe. Me ye ti gigi laa asi na e so.”