1 Samuel 25:36 - Mbeti ti Nzapa - Tënë so amu fini

³⁶ Abigail akiri na tere ti Nabal. Andaa na da kâ, Nabal asara matanga tongana matanga ti gbia. Tere ti Nabal anzere mingi si lo nyon samba ahon ndö ti lo. Abigail atene tënë oko na lo pepe ngbii asi na kota ndaperere.

1 Samuel 25:36 ပူးပေါင်းရင်းမြစ်များ

2 Samuel 13:23

So ngu use ahon awe, azo ague ti fâ kua ti tere ti ataba na da ti Absalom, na Baal-Hasor, nduru na Efraim. Absalom atisa amolenge ti gbia kue na matanga ni.

2 Samuel 13:28

Na pekoni, Absalom amu yanga na azo ti kua ti lo, atene: “Ala baa Amnon nzoni. Na ndembe so lo nyon samba ahon ndö ti lo si be ti lo ayeke na ngia, tongana mbi tene na ala: ‘Ala pika Amnon!’, fade ala pika lo, ala fâ lo. Ala sara mbeto pepe, mbi laa mbi mu yanga na ala! Ala gbu ngangu, ala sara ye ti koli!”

2 Samuel 3:20

Abner na azo baleuse so amu peko ti lo ague, awara David na Hebron. David aleke matanga ti tengo kobe ndali ti Abner na azo so amu peko ti lo.

1 Agbia 20:16

Na bekombite, aturugu ni alondo na bira. Na ndembe ni so, Ben-Hadad angba ti nyon samba ahon ndoni na ya ti ada ti bongo, lo na agbia baleota na use, ala so aga ti mu maboko na lo.

Abia (Psaumes) 112:5

Ayeke nzoni titene lo sara nzoni be na azo, lo mu boon na azo; lo yeke baa lege ti aye ti lo na legeni mbirimbiri.

Amato 20:1

Vin asara si zo aga zo ti hengo ndo; samba ayeke pusu zo ti sara wusuwusu. Zo so samba ayeke sara lo, lo lingbi ti ga zo ti ndara pepe.

Zo ti bongbingo azo 10:19

Titene akota zo asara ngia, ala yeke te pendere kobe. Vin asara si tere ti ala anzere; nginza ayeke mu ye kue na ala.

Ésaïe 28:3

Gbata so ayeke tongana kpoto ti gbia si azo ti Efraim, angbaa ti samba so ayeke pika kate ti ala ndali ni, fade a yeke do ni na gbe ti gere.

Ésaïe 5:11

Mawa na ala, azo so alondo na kota ndaperere ti mu loro na peko ti angangu samba! Ti londo na ndaperere ngbii asi na lakui, samba ni angba ti sara ala.

Jérémie 51:57

“Mbi yeke mu samba na akota zo ti lo nga na azo ti ndara ti lo, agovoronere ti lo, akota komanda nga na angangu turugu ti lo. Fade azo ni ayeke lango kpu na kpu, ala yeke kiri ti zingo pepe; so tënë ti yanga ti Gbia laa, lo so iri ti lo ayeke KOTA GBIA so ayeke na ndö ti dunia kue.”

Osée 4:11

“Sarango ye ti ndumba na nyongo samba asara si li ti ala atomboka.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Nzoni Tënë so Luc asu na mbeti 14:12

Na pekoni, Jésus atene na zo so atisa lo so, atene: “Tongana mo leke kobe ti kota lâ, wala ti lakui, mo tisa pepe azo so mo na ala aye tere, wala a-ita ti mo, wala asongo ti mo, wala azo ti mosoro so mo na ala aduti ndo oko. Tongana mo tisa ala, fade ala nga ayeke tisa mo si mo yeke wara ye ti pekoni.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Rome 13:13

Alingbi fini ti e aduti na legeni mbirimbiri tongana ti azo so ayeke sara ye na kota lâ. E te kobe wala e nyon samba ahon ndoni pepe, e sara aye ti kirikiri wala aye ti ndumba pepe, e papa wala e sara kota be pepe.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Efeze 5:18

Ala nyon samba ahon ndö ti ala pepe: nyongo samba ahon ndoni ayeke buba gigi ti ala; me ala zia lege na Yingo-Vuru ti si ala singo.

1 Samuel 25:19

Na pekoni, lo tene na azo ti kua ti lo: “Ala hon na li ni, mbi yeke mu peko ti ala.” Me Abigail atene tënë ni na koli ti lo Nabal pepe.

1 Samuel 25:37

Na ndaperere ni, tongana samba ahunzi na le ti Nabal awe, wali ti lo atene na lo peko ti ye so asi so. Be ti Nabal afun kue si tere ti lo akiri awoko kue.