1 Samuel 25:30 - Mbeti ti Nzapa - Tënë so amu fini

³⁰ Tongana KOTA GBIA asara anzoni ye so kue lo tene tënë ni na mo awe, fade lo yeke zia mo makonzi na ndö ti Israel.

1 Samuel 25:30 ပူးပေါင်းရင်းမြစ်များ

2 Samuel 5:2

So Saul ayeke ando gbia ti e so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel.’ ”

Abia (Psaumes) 89:20

Mbeni lâ, na ya ti mbeni ye tongana bango-li, mo tene tënë na azo ti mo so angba na lege ti mo, mo tene: “Mbi mu maboko na mbeni kpengba koli oko na popo ti azo ti mbi, mbi zia mbeni maseka-koli na li ti azo ti mbi.

1 Samuel 13:14

Me fadeso, lengo-gbia ti mo ayeke ninga pepe. KOTA GBIA asoro mbeni zo so be ti lo wani aye; lo zia lo ti duti makonzi na ndö ti azo ti lo, ngbanga ti so yanga so lo mu na mo, mo sara ye alingbi na ni pepe.”

1 Samuel 15:28

Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

1 Samuel 23:17

Lo tene na David: “Sara mbeto pepe. Fade maboko ti babâ ti mbi Saul ayeke ndu mo pepe. Mo laa mo yeke ga ande gbia ti Israel; mbi si mbi yeke ga na peko ti mo. Babâ ti mbi Saul ahinga ni kue.”

1 Samuel 24:21

Fadeso mbi hinga awe: mo yeke ga gbia si na ngoi so mo yeke le-gbia, kodro ti Israel ayeke kpengba na maboko ti mo.

1 Samuel 25:31

Alingbi mo fâ ngbanga ti mo wani pepe na tukungo mene ti azo senge senge si na pekoni, mo wara gingo be pepe. Babâ ti mbi, tongana KOTA GBIA asara ande nzoni be na mo, dabe ti mo na mbi!”