1 Samuel 25:29 - Mbeti ti Nzapa - Tënë so amu fini

²⁹ Mbeni zo alondo ti tumba peko ti mo, babâ ti mbi ti fâ mo. Me fade KOTA GBIA, Nzapa ti mo ayeke honde fini ti mo na ya ti bozo ti bata ni na tere ti lo. Lo yeke bi awato ti mo tongana ti so a yeke zia têne na ya ti *mvingi si a yeke bi ni so.

1 Samuel 25:29 ပူးပေါင်းရင်းမြစ်များ

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

2 Samuel 4:8

Ala mu li ti Ishebaal ague na ni na David na gbata ti Hebron si ala tene na gbia: “Baa li ti wato ti mo Ishebaal, molenge ti Saul so lani aye ti fâ mo so laa. Laso *KOTA GBIA akiri peko ti sioni na Saul nga na *ahale ti lo ndali ti mo awe.”

Mbeti ti Job 27:22

Nzapa ayeke tokua ale ti kokora na tere ti zo ti sioni; lo yeke baa mawa ti lo pepe. Lo sara kue ti kpe na maboko ti zo ti bingo ale ti kokora ni.

Abia (Psaumes) 116:15

Kuâ ti azo ti KOTA GBIA ayeke kota ye mingi na le ti lo.

Abia (Psaumes) 54:3

Nzapa, soo mbi ndali ti iri ti mo; na lege ti ngangu ti mo, fâ ngbanga ti mbi.

Abia (Psaumes) 66:9

Lo so lo sara si e ngba na fini, lo sara si e pika gere ti e ti ti pepe.

Jérémie 10:18

Biani, tënë so KOTA GBIA atene ayeke so: “Ti fadeso, mbi yeke bi azo ti kodro ni yongoro, tongana ti so a yeke bi ye na *mvingi; mbi yeke pete ala mbage na mbage si ala kpe ahon pepe.”

Malashii 3:17

Na pekoni, tënë so KOTA GBIA so ayeke na ndö ti dunia kue atene laa: “Na lango so mbi yeke fa ngangu ti mbi, azo ni ayeke ga azo ti mbi, ala yeke ga ye ti mbi wani. Fade mbi yeke sara nzoni be na ala tongana ti so babâ ayeke sara nzoni be na molenge ti lo ti koli so ayeke sara kua na lo.

Jean 14:19

Ngoi angba gi kete si azo ti dunia so ayeke kiri ti baa mbi pepe. Me ti ala, fade ala yeke baa mbi, ngbanga ti so mbi yeke na fini si ala nga, ala yeke duti na fini.

Jean 17:21

Mbi sambela titene ala kue aga gi oko! Babâ, ayeke nzoni ala ga oko na e, tongana ti so mbi na mo, e yeke oko. Ayeke nzoni ala ga oko si fade azo ti dunia ahinga atene, mo laa mo tokua mbi.

Jean 17:23

Mbi ga oko na ala, tongana ti so mbi na mo, e yeke oko si ala ga oko biani, tongaso si azo ti dunia ahinga atene, mo laa mo tokua mbi, tongaso si ala hinga nga atene, mo ye ala tongana ti so mo ye mbi.

Ndia ti fani use ni 33:29

Ti ala nzoni, ala azo ti Israel! Mara wa laa alingbi na ti ala? Mara ti ala oko laa KOTA GBIA asoo ni. KOTA GBIA ayeke *vala ti batango ala, lo yeke ye ti bira so asara si ala so benda. Fade awato ti ala ayeke handa ala na lege ti mayere, me ala, azo ti Israel, ala yeke do awato ni na gbe ti gere ti ala.”

1 Pierre 1:5

Aye ni so ayeke ndali ti ala, ala so ayeke na mabe. Lo yeke bata ala na lege ti ngangu ti lo titene lo soo ala si na ngoi ti ndani, azo kue ayeke baa ni.

1 Samuel 2:9

KOTA GBIA ayeke bata fini ti azo so aye lo. Me azo so ake tënë ti lo, ala yeke kui na ya ti vukongo ndo. Taa-tënë, zo alingbi ti hon ndö ti aye na ngangu ti lo wani pepe.