1 Samuel 25:28 - Mbeti ti Nzapa - Tënë so amu fini

²⁸ Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.

1 Samuel 25:28 ပူးပေါင်းရင်းမြစ်များ

2 Samuel 5:2

So Saul ayeke ando gbia ti e so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel.’ ”

2 Samuel 7:11

Ti londo na lango so mbi zia awafango-ngbanga ti sara komandema na ndö ti azo ti Israel, azo ti mbi, mbi tumba awato ti mo kue si mo wara lege ti duti kpoo. KOTA GBIA atene na mo lani atene, lo laa lo yeke sara da ndali ti mo.

2 Samuel 7:16

Mbeni hale ti mo ayeke le-gbia na peko ti mo kpu na kpu. Biani, lengo-gbia ti asewa ti mo ayeke kpengba kpu na kpu.’ ”

2 Samuel 7:27

Biani, KOTA GBIA so ngangu ti lo ahon angangu kue, Nzapa ti Israel, mo wani, mo tene na mbi, mo tene, fade ahale ti mbi ayeke le-gbia na peko ti mbi. Nilaa be ti mbi awara ngangu ti sara sambela so.

1 Agbia 15:3

Abiam asara gi amara ti siokpari so kue babâ ti lo asara kozoni na lo. David, kotara ti lo amu ando be ti lo kue na *KOTA GBIA, Nzapa ti lo. Me ti Abiam, lo sara tongaso pepe.

1 Agbia 15:5

Biani, David asara ando ye so ayeke mbirimbiri na le ti KOTA GBIA. Na lango so kue lo ngba na fini, aye so kue KOTA GBIA amu yanga na lo ti sarango ni, lo ke ti sara ni laoko pepe. Me sioni ye oko so lo sara ni ayeke tënë ti Urii, zo ti mara ti Het.

1 Agbia 9:5

fade mbi yeke sara titene lengo-gbia ti mo na ndö ti azo ti Israel angba kpu na kpu alingbi na zendo so mbi mu na babâ ti mo David. Mbi tene lani na lo, mbi tene: ‘Fade mbeni zo ti sewa ti mo ayeke duti daa lakue na ndö ti mbata ti gbia ti Israel.’

1 Mbai 17:10

Ti londo na lango so mbi zia awafango-ngbanga ti sara komandema na ndö ti azo ti Israel, azo ti mbi, mbi sara si awato ti mo kue ati na sese. Mbi tene na mo so KOTA GBIA laa ayeke sara da na mo.

1 Mbai 17:25

Biani, mo Nzapa ti mbi, mo wani, mo tene na mbi, mo tene, fade ahale ti mbi ayeke le-gbia na peko ti mbi. Nilaa mbi ga na ndo so, na dawa ti mo, ti sara sambela so.

2 Mbai 20:15

Yaziel atene: “Ala azo ti Juda kue, ala na azo ti Jérusalem kue na mo gbia Yosafat, ala ma tënë so nzoni. Tënë so KOTA GBIA atene na ala ayeke so: ‘Ala sara mbeto pepe, mbeto ti gba ti aturugu so asara ala pepe! Biani, bira ni ayeke ti ala pepe, me ti Nzapa.

Abia (Psaumes) 7:3

Tongaso pepe, fade ala yeke suru ya ti mbi tongana bamara; ala yeke mu mbi ahon na mbi si zo ti ga ti zi mbi ayeke daa oko pepe.

Abia (Psaumes) 89:29

Mbi yeke ngba ti sara nzoni be na lo kpu na kpu, mbi yeke bata tënë ti mbuki ti mbi na lo lakue.

Wungo ti azo 23:21

KOTA GBIA abaa sioni ye na Jacob pepe, lo baa ye ti kirikiri na popo ti azo ti Israel pepe. KOTA GBIA, Nzapa ti ala ayeke na ala. Ala yeke dekongo na ngia ti fa so lo yeke gbia.

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Nzoni Tënë so Luc asu na mbeti 23:41

Ti e, ye ni ayeke na legeni, ngbanga ti so e yeke wara gi aye ti peko ti ye so e sara; me ti lo, lo sara mbeni ye ti sioni oko pepe.”

Nzoni Tënë so Luc asu na mbeti 23:47

So kapita ti aturugu ti Rome abaa ye ni tongaso, lo gonda Nzapa si lo tene: “Taa-tënë, koli so ayeke zo ti mbirimbiri!”

1 Samuel 15:28

Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

1 Samuel 17:47

Fade azo so kue abongbi ge so ayeke hinga atene, KOTA GBIA ayeke sara titene azo ti lo aso benda na lege ti yongoro zeme wala likongo pepe. Me KOTA GBIA laa ayeke makonzi ti bira; fade lo yeke zia ala na maboko ti e.”

1 Samuel 18:17

Saul atene na David: “Baa, Merab, kozo molenge ti mbi ti wali laa; mbi yeke mu lo na mo titene lo ga wali ti mo. Gi ye oko, sara kua ti mbi ngangu, mo tiri bira ndali ti *KOTA GBIA.” Andaa Saul ayeke tene na be ti lo, atene: “Mbi wani laa mbi yeke fâ lo pepe; ayeke nzoni azo ti Filistii laa afâ lo.”

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.

1 Samuel 22:14

Ahimelek akiri tënë na gbia, atene: “Na popo ti azo ti kua ti mo kue, mbeni mbirimbiri zo tongana David ayeke daa? Lo yeke kogara ti gbia, lo ga makonzi ti aturugu ti batango mo, azo ti da ti mo ayeke ne lo mingi.

1 Samuel 24:11

Laso, mo baa na le ti mo wani awe; laso KOTA GBIA azia mo na maboko ti mbi na ya ti du ti têne so. Azo atene na mbi ti fâ mo, me mbi ke si mbi tene: ‘Maboko ti mbi alingbi ti ndu kota zo ti mbi pepe, ngbanga ti so KOTA GBIA atuku mafuta na li ti lo awe.’

1 Samuel 24:17

So David atene tënë so awe, Saul ahunda ndo, atene: “David molenge ti mbi, taa go ti mo laa?” Na pekoni, Saul ati na kota toto.

1 Samuel 24:21

Fadeso mbi hinga awe: mo yeke ga gbia si na ngoi so mo yeke le-gbia, kodro ti Israel ayeke kpengba na maboko ti mo.

1 Samuel 24:4

Saul asi na gbagba ti ataba so ayeke na yanga ti lege. Mbeni du ti têne ayeke kâ. Saul ali na ya ni ti sara puru. Andaa David na azo ti lo ayeke na ngbonda ti du ti têne ni.

1 Samuel 25:24

Na pekoni, lo ti, lo gbu gere ti David si lo tene: “Babâ, mbi laa mbi sara sioni. Mo zia lege na mbi, zo ti kua ti mo ti tene tënë na mê ti mo. Ma tënë ti mbi si.

1 Samuel 29:3

Amakonzi ti aturugu ti Filistii ahunda ndo, atene: “Ahebro so ayeke sara nyen ge?” Akish akiri tënë na ala: “So David laa, zo ti kua ti Saul, gbia ti Israel! A sara ngu oko wala ngu use so lo yeke na ndo ti mbi. Ngbene ye so lo zia wa ti lo si lo ga na ndo ti mbi ngbii asi laso, mbi baa sioni ye oko pepe so lo sara.”

1 Samuel 30:26

So David asi na Siklag awe, lo tokua ambeni ye so ala gbu na peko ti bira so na *akangba ti Juda, ala so ayeke akamarade ti lo; lo tene na ala: “Aye so e gbu na peko ti bira na maboko ti awato ti KOTA GBIA so, ti ala laa.”