1 Samuel 25:27 - Mbeti ti Nzapa - Tënë so amu fini

²⁷ Akadoo so mbi ga na ni na mo so, ayeke nzoni babâ ti mbi amu ni, akangbi na amaseka-koli so ayeke tambula na peko ti lo.

1 Samuel 25:27 ပူးပေါင်းရင်းမြစ်များ

Tongo nda ti aye 33:11

Tongaso, ayeke nzoni mo yeda ti mu kadoo so mbi tokua na mo, ngbanga ti so Nzapa laa asara nzoni be na mbi si lo mu na mbi aye so kue alingbi na mbi.” Lo voro Ezau ngbii si Ezau ayeda ti mu aye ni.

2 Samuel 16:2

Gbia ahunda Siba, atene: “Nyen laa mo ye ti sara na ye so kue, nyen?” Siba akiri tënë, atene: “Alele so ayeke ti yo asewa ti gbia ti tambula na ala, mapa ni na ale ti keke ni ayeke kobe ti aturugu, vin ni ayeke titene azo so awoko na benyama anyon ni.”

2 Agbia 5:15

Lo kiri na tere ti Élisée, lo na azo so kue amu peko ti lo. Lo ga lo luti na dawa ti Élisée si lo tene: “Fadeso mbi hinga, mbi tene, na ndö ti sese kue, taa Nzapa ayeke daa pepe, gi na sese ti Israel oko. Mbi gbu gere ti mo titene mo mu na maboko ti mbi, zo ti kua ti mo, kadoo so mbi yeke mu na mo.”

Amato 18:16

Akadoo ayeke zi yanga-da kota na zo; ayeke sara si lege azi na lo ti baa akota zo.

2 Korente 9:5

Ndani laa, mbi baa nzoni na le ti mbi ti hunda na a-ita so ti hon kozoni na ndo ti ala kâ si ala leke aye so ala ye ti mu ni. Tongaso, na ndembe so mbi yeke si ande, aye so lani ala mu zendo ti mungo ni so, andaa ala leke ni kue awe. Ye so laa ayeke fa atene, ala yeke mu ye na nzoni be, me na sioni be pepe.

Awafango-ngbanga 4:10

Barak airi azo ti mara ti Zabulon na ti Neftali ti bongbi na Kedesh. Akoli saki baleoko alondo si amu peko ti lo; Debora nga ague na lo.

1 Samuel 25:42

Abigail alondo hio, lo ko na ndö ti lele ti lo; azo ti kua ti lo ti wali oku ayeke na tere ti lo si lo mu peko ti azo so David atokua ala so. Tongaso Abigail aga wali ti David.

1 Samuel 30:26

So David asi na Siklag awe, lo tokua ambeni ye so ala gbu na peko ti bira so na *akangba ti Juda, ala so ayeke akamarade ti lo; lo tene na ala: “Aye so e gbu na peko ti bira na maboko ti awato ti KOTA GBIA so, ti ala laa.”