1 Samuel 25:24 - Mbeti ti Nzapa - Tënë so amu fini

²⁴ Na pekoni, lo ti, lo gbu gere ti David si lo tene: “Babâ, mbi laa mbi sara sioni. Mo zia lege na mbi, zo ti kua ti mo ti tene tënë na mê ti mo. Ma tënë ti mbi si.

1 Samuel 25:24 ပူးပေါင်းရင်းမြစ်များ

Tongo nda ti aye 44:18

Juda ague nduru na tere ti Joseph si lo tene na lo: “Kota zo, mbi gbu gere ti mo, zia mbi, zo ti gbe ti mo, mbi tene mbeni tënë, mo ma. Zia ngonzo ti mo alondo ngangu na tere ti mbi pepe, ngbanga ti so mo yeke tongana Faraon.

2 Samuel 14:12

Wali ni atene: “Gbia, zia mbi tene mbeni tënë na mo.” Gbia atene: “Tene tënë ni ma!”

2 Samuel 14:9

Wali ti Tekoa ni atene na gbia: “Gbia, tongana mbeni tënë ayeke daa si ayeke tongana nyen, fade ayeke ngba gi na li ti mbi na asewa ti mbi. Ayeke nzoni tënë ni ati na ndö ti mo wala na ndö ti lengo-gbia ti mo pepe.”

2 Samuel 20:17

Yoab aga nduru si wali ni ahunda lo, atene: “Mo Yoab laa?” Yoab akiri tënë: “Een, mbi laa!” Wali ni atene: “Mbi gbu gere ti mo, ma tënë ti mbi!” Yoab akiri tënë: “Mbi yeke ma mo.”

2 Agbia 4:37

Wali ni aga, lo ti na gere ti Élisée, lo kpo li ti lo na sese. Na pekoni, lo mu molenge ti lo si lo sigigi.

Esther 8:3

Esther akiri atene tënë na gbia. Lo ti na gbe ti gere ti lo na toto, lo voro gbia titene lo kanga lege na sioni ye so Haman, mbeni *hale ti Agag, aleke na be ti lo ti sara na azuife so.

Amato 25:15

Na lege ti kangango be ti ku, zo alingbi ti woko be ti mbeni wafango-ngbanga ti yeda na mbeni tënë. Atënë so ayeke de be ti zo alingbi ti zi angangu ye so ayeke kanga lege.

Zo ti bongbingo azo 10:4

Tongana makonzi ti mo asara ngonzo na tere ti mo, ayeke nzoni mo do ndo ti kua ti mo, mo zia pepe. Be ti mo aduti kpoo, tongaso si mo kanga lege na ambeni sioni sarango ye.

Matthieu 18:29

Mba ti lo ni ati na gbe ti lo, avoro lo si atene na lo: ‘Ku mbi kete, fade mbi yeke futa na mo yongo ti mo!’

1 Samuel 24:8

Na lege ti tënë so, David akanga lege na azo ti lo ti tiri bira na Saul. Saul asigigi na ya ti du ti têne ni si lo gue.

1 Samuel 25:23

So Abigail abaa David awe, lo londo na ndö ti lele ni, lo zu hio na sese, lo kuku, lo kpo li ti lo na sese na dawa ti David.

1 Samuel 25:25

Ayeke nzoni babâ ti mbi azia be ti lo pepe na ndö ti Nabal, buba zo so. Biani, a mu na lo iri ni so na legeni. Nda ti iri ni aye ti tene, ‘buba zo’. Nilaa lo yeke sara kua ti buba ni ti hon na ni so. Azo ti kua so babâ ti mbi atokua ala lani so, mbi baa ala pepe.

1 Samuel 25:28

Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.