1 Samuel 25:22 - Mbeti ti Nzapa - Tënë so amu fini

²² Tongaso kekereke na ndaperere, tongana mbi fâ akoli ti da ti Nabal kue pepe, ayeke nzoni Nzapa asara ye ti ngangu mingi na mbi!”

1 Samuel 25:22 ပူးပေါင်းရင်းမြစ်များ

1 Agbia 14:10

Ndani laa, fade mbi yeke tokua kpale na ndö ti sewa ti mo. Mbi yeke hunzi akoli so kue ayeke na ya ti sewa ti mo, akoli na amolenge so ayeke na sese ti Israel. Fade mbi yeke zi azo ti sewa ti Yeroboam kue kue kue tongana ti so zo ayeke zi azende si mbeni ye oko akiri angba pepe.

1 Agbia 16:11

Gi so lo ga gbia si lo ko na ndö ti mbata ti gbia awe, lo fâ azo ti sewa ti Basha kue. Lo fâ akoli kue, amolenge na akota zo. Ataa mbeni ita ti Basha wala mbeni kamarade ti lo angba pepe.

1 Agbia 21:21

Ndani laa KOTA GBIA atene: ‘Fade mbi yeke sara titene mbeni ye ti mawa aga na ndö ti mo; mbi yeke balee azo ti sewa ti mo, mbi yeke zi akoli so kue ayeke na ndo ti mo, ataa angbaa wala ala so ayeke angbaa pepe.

2 Agbia 9:8

Biani, fade azo ti sewa ti Akab kue ayeke kui. Mbi yeke fâ akoli so kue ayeke na ya ti da ti Akab, angbaa wala azo so ayeke angbaa pepe si ala yeke na Israel.

Ruth 1:17

Ndo so mo yeke kui ande daa, mbi nga, mbi yeke kui daa si a yeke lu mbi daa. Gi kuâ laa ayeke kangbi popo ti mbi na mo. Tongana mbi hon mbi zia mo, ayeke nzoni KOTA GBIA asara ye ti ngangu mingi na mbi!”

1 Samuel 14:44

Saul atene: “Tongana mo kui pepe, ayeke nzoni Nzapa asara ye ti ngangu mingi na mbi!”

1 Samuel 20:13

Me tongana babâ ti mbi aleke na be ti lo ti sara sioni na mo si mbi tene tënë ni na mo pepe, ayeke nzoni KOTA GBIA asara ye ti ngangu mingi na mbi! Fade mbi yeke zia lege na mo ti gue senge. Mbi sambela titene KOTA GBIA aduti na mo tongana ti so lo duti lani na babâ ti mbi so.

1 Samuel 20:16

Tongaso Jonatan asara mbuki na David nga na asewa ti lo. Tënë ti ya ti mbuki ni ayeke so: “Ayeke nzoni KOTA GBIA akiri peko ti sioni na awato ti David.”

1 Samuel 3:17

Heli ahunda lo, atene: “Tënë ti nyen laa KOTA GBIA atene na mo, nyen? Mo honde mbeni tënë oko na mbi pepe. Tongana mo honde na mbi mbeni tënë oko so lo tene na mo, ayeke nzoni Nzapa asara ye ti ngangu mingi na mo!”