1 Samuel 25:21 - Mbeti ti Nzapa - Tënë so amu fini

²¹ David atene na be ti lo, atene: “Aye ti koli so kue mbi bata na benyama so, mbi bata ni senge senge-aa! Na popo ti aye ti lo kue, mbeni ye oko agirisa pepe. Mbi sara nzoni na lo si lo kiri lo sara sioni na mbi.

1 Samuel 25:21 ပူးပေါင်းရင်းမြစ်များ

Tongo nda ti aye 44:4

So ala sigigi na ya ti gbata ni ti gue si ala de ti hon yongoro pepe, Joseph atene na koli so ayeke baa lege ti aye ti da ti lo so, atene: “Londo mo kpe na peko ti azo so. Tongana mo wara ala, mo hunda ala, mo tene: ‘Ngbanga ti nyen si ala sara sioni na zo so asara nzoni na ala so?

Mbeti ti Job 30:8

Mara ti azo ti fuu laa, iri ti ala ayeke daa pepe. A mu keke si a tumba na ala na ya ti kodro.

Abia (Psaumes) 35:12

Nzoni so mbi sara, ala kiri gi sioni na mbi; fadeso mbi ngba gi mbi oko.

Abia (Psaumes) 37:8

Mo zia ngonzo, mo ke lege ti sioni ngonzo; mo sara ngonzo pepe, tongaso pepe, fade ye ni ayeke ga sioni.

Abia (Psaumes) 38:20

Awato ti mbi angba na fini, ala yeke na ngangu; azo so ake mbi senge senge, ala yeke mingi.

Amato 17:13

Zo so ayeke kiri sioni ndali ti nzoni, akpale ayeke zia da ti lo laoko pepe.

Jérémie 18:20

Zo ayeke kiri sioni ndali ti nzoni? Awato ti mbi ni asara kuku ti gbu na mbi. KOTA GBIA, mo dabe ti mo so mbi laa mbi luti na le ti mo ti tene na mo nzoni tënë ndali ti ala titene mo zia ti sara ngonzo na tere ti ala.

Rome 12:21

Mo zia sioni ye ahon ndö ti mo pepe; me mo hon ndö ti sioni ye na lege ti sarango nzoni ye.

Efeze 4:26

Tongana ala sara ngonzo, ala sara hange si ala sara siokpari pepe; ala bata ngonzo na be ti ala ngbii asi na lakui pepe.

Efeze 4:31

Batango zo na be, songo be, ngonzo, dekongo na li ti zo, zongango zo, sarango sioni na zo, alingbi aye tongaso ayeke na popo ti ala mbeni pepe.

1 Tesalonike 5:15

Ala sara hange si mbeni zo akiri peko ti sioni na mba ti lo pepe, me ala gi lakue ti sara nzoni na popo ti ala nga na azo kue.

1 Pierre 3:17

Tongana Nzapa aye titene ala baa pasi ndali ti sarango nzoni ye, so laa ayeke nzoni ahon titene ala baa pasi ndali ti sarango sioni ye.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

1 Samuel 25:13

David atene na azo ti lo: “Ayeke nzoni zo oko oko amu yongoro zeme ti lo, lo kanga ni na ngbonda ti lo!” Tongaso zo oko oko amu yongoro zeme ti lo; David nga amu yongoro zeme ti lo. Azo nduru na ngbangbo osio laa amu peko ti David si ala hon. Azo ngbangbo use si angba na tere ti akungba.

1 Samuel 25:15

Azo so asara lani nzoni na e mingi. Na ngoi so kue e yeke na tere ti ala na ya ti ngonda, ala sara sioni na e oko pepe, mbeni ye ti e oko agirisa pepe.

1 Samuel 25:20

So Abigail ako na ndö ti lele ti lo awe, lo yeke hon na tere ti hoto; andaa David na azo ti lo ayeke ga na mbage ti lo si Abigail atengbi na ala.

1 Samuel 25:7

Mbi ma a tene, a yeke fâ kua ti tere ti anyama na ndo ti mo. So lani azo ti batango nyama ti mo ayeke na tere ti e na Karmel so, e sara sioni na ala oko pepe, mbeni ye ti ala oko agirisa pepe.