1 Samuel 24:9 - Mbeti ti Nzapa - Tënë so amu fini

⁹ Na pekoni, David alondo na ya ti du ti têne ni asigigi si lo dekongo na peko ti Saul, atene: “Gbia, kota zo ti mbi.” Saul abaa ndo na peko ti lo. David akuku akpo li ti lo na sese.

1 Samuel 24:9 ပူးပေါင်းရင်းမြစ်များ

Abia (Psaumes) 101:5

Zo ti tenengo mvene na iri ti amba ti lo na hondengo ni, fade mbi yeke kanga yanga ti lo. Zo so abaa amba ti lo tongana mbumbuse ye si baba ahon ndö ti lo, mbi lingbi ti kanga be ti mbi na lo pepe.

Abia (Psaumes) 141:6

Na ndembe so a zia amakonzi ti azo ni na ndö ti kota têne ti bi ala na gbeni, na ndembe so laa awato ti mbi ayeke hinga atene, tënë so mbi tene ayeke taa-tënë.

Amato 16:28

Zo ti handango ndo ayeke sara si papa alondo; zo so ayeke du mvene na li ti azo, lo yeke bi kangbi na popo ti akamarade.

Amato 17:4

Zo ti sarango sioni ayeke dingi mê ti lo ti ma gi asioni tënë; zo ti mvene ayeke zia mê ti lo kpoo ti ma gi atënë ti mvene.

Amato 18:8

Atënë ti mvene so zo adu na iri ti mba ti lo ayeke tongana mbeni nzerengo kobe; atënë ni ayeke li zo ngbii asi na be ti lo.

Amato 25:23

Tongana ti so pupu ti Banga ayeke ga na ngu-Nzapa, tenengo sioni tënë na hondengo ni na tere ti zo asara si ngonzo ti lo alondo.

Amato 26:28

Zo ti tenengo mvene na amba ti lo ayeke zia ka na be ti ala: lege ti kengo ala laa. Zo so ayeke tene anzerengo tënë ti handa na amba ti lo, lo sara si aye kue abuba.

Amato 29:12

Tongana mbeni makonzi adingi mê ti lo ti ma gi atënë ti mvene, azo ti gbe ti lo kue ayeke ga azo ti sioni.

Jérémie 37:18

Na pekoni, Jérémie atene na gbia Sedesias: “Sioni ti nyen laa mbi sara na mo, wala na azo ti gbe ti mo, wala na azo ti gbata so si ala bi mbi na da ti kanga so?

Awayango-sandaga 19:16

Ala du mvene na li ti azo ti kodro ti ala pepe. Ala bi tënë na li ti mba ti ala titene a fâ ngbanga ti kuâ na li ti lo pepe. Mbi laa mbi yeke KOTA GBIA.

Jacques 3:6

Menga ti zo ayeke tongana wâ si ayeke nga ndo so sioni aduti daa. Menga aduti na ya ti tere ti e si ayeke sara titene ngbongboro tere ti e kue aga sioni. Na ngoi so kue zo ayeke na dunia so, menga ti lo ayeke tongana wâ so ayeke buba fini ti lo; wâ ni alondo na ndo so wâ ayeke gbi daa lakue.

1 Samuel 20:1

David alondo na kodro ti Nayot so ayeke nduru na Rama, lo kpe, lo hon. Lo gue, lo wara Jonatan si lo tene na lo: “Nyen laa mbi sara na babâ ti mo, nyen? Sioni ti nyen wala siokpari ti nyen laa mbi sara na lo si lo yeke gi lege ti fâ mbi so?”

1 Samuel 20:41

Molenge ni akiri na kodro. David alondo na ndo so lo honde tere ti lo daa na mbage ti Mbongo, lo sigigi. Lo ti, lo kpo li ti lo na sese fani ota. Na pekoni, ala su ngbangba ti tere, ala toto mingi; David atoto ahon ndoni.

1 Samuel 24:10

David atene na Saul: “Tënë so azo ayeke tene na mo atene, mbi yeke gi lege ti sara sioni na mo so, mo ma ni ngbanga ti nyen?

1 Samuel 24:8

Na lege ti tënë so, David akanga lege na azo ti lo ti tiri bira na Saul. Saul asigigi na ya ti du ti têne ni si lo gue.

1 Samuel 26:18

David akiri atene: “Gbia ti mbi, mo yeke tumba peko ti mbi, zo ti kua ti mo ngbanga ti nyen? Nyen laa mbi sara, nyen? Sioni ti nyen laa mbi sara?

1 Samuel 26:19

Fadeso, ayeke nzoni gbia, kota zo ti mbi ama tënë ti mbi, zo ti kua ti lo nzoni. Tongana KOTA GBIA laa apusu mo ti sara sioni na mbi, ayeke nzoni *sandaga so azo amu na lo ade be ti lo. Me tongana azo laa apusu mo, ayeke nzoni KOTA GBIA adeba ala, ngbanga ti so ala laa atumba mbi na kodro fadeso; ala laa ake titene mbi lango na kodro so KOTA GBIA amu na azo ti lo. Na sarango ye tongaso, ala ye ti tene na mbi: ‘Gue, mo voro ambeni nzapa nde!’