1 Samuel 24:6 - Mbeti ti Nzapa - Tënë so amu fini

⁶ Na peko ti aye so, be ti David apika mingi, ngbanga ti so lo fâ yanga ti kota bongo ti Saul.

1 Samuel 24:6 ပူးပေါင်းရင်းမြစ်များ

2 Samuel 1:14

David atene na lo: “Tongana nyen laa mbeto ti fango gbia so KOTA GBIA atuku mafuta na li ti lo asara mo pepe so?”

2 Samuel 24:10

Na peko ti so David adiko wungo ti azo, be ti lo apika kpu kpu kpu. Lo tene na *KOTA GBIA, lo tene: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, KOTA GBIA, mo zi siokpari so na li ti mbi, zo ti kua ti mo.”

1 Agbia 21:3

Me Nabot akiri tënë na Akab, atene: “Na le ti *KOTA GBIA, yaka so akotara ti mbi azia na mbi si aga ti mbi so, mbi lingbi ti mu na mo tongana nyen?”

Matthieu 5:44

Ti mbi, mbi tene na ala: ala ye awato ti ala! Ala sambela ndali ti azo so ayeke sara ngangu na ala!

Rome 12:14

Ala sara tufa na ndö ti azo so ayeke sara ngangu na ala; ala sara tufa na ndö ti azo, me ala deba ala pepe.

1 Tesalonike 5:15

Ala sara hange si mbeni zo akiri peko ti sioni na mba ti lo pepe, me ala gi lakue ti sara nzoni na popo ti ala nga na azo kue.

1 Samuel 12:3

Baa, mbi laa na dawa ti ala so. Tongana mbi sara mbeni ye ti sioni, ayeke nzoni ala fa ni na le ti *KOTA GBIA nga na le ti gbia so lo soro lo so. Zo wa laa mbi mu bagara ti lo wala lele ti lo, zo wa? Zo wa laa mbi mu ye ti lo na haram wala mbi sara ngangu na lo, zo wa? Zo wa laa apete goro na mbi si mbi kanga le na ndö ti tënë ti lo, zo wa? Fade mbi yeke kiri na ni na lo.”

1 Samuel 24:7

David atene na azo ti lo: “Ayeke nzoni KOTA GBIA abata mbi si mbi sara sioni na kota zo ti mbi pepe! Biani, Nzapa laa atuku mafuta na li ti lo ti zia lo gbia. Maboko ti mbi so ayeke sara ande sioni na lo oko pepe, ngbanga ti so Nzapa atuku mafuta na li ti lo awe.”