1 Samuel 24:16 - Mbeti ti Nzapa - Tënë so amu fini

¹⁶ KOTA GBIA laa ayeke fâ ande ngbanga na popo ti mbi na mo. Lo yeke baa ya ti tënë so nzoni, lo yeke gbu koko ti mbi, lo yeke fâ ya ti ngbanga so si lo yeke zi mbi na maboko ti mo.”

1 Samuel 24:16 ပူးပေါင်းရင်းမြစ်များ

Tongo nda ti aye 16:5

Sarai atene na Abram: “Mbana so Agar ayeke sara na mbi so, tënë ni ayeke na li ti mo. Mbi laa mbi mu zo ti kua ti mbi, mbi zia lo na kate ti mo. Gi so lo baa lo yeke na ngo awe, mbi ne na le ti lo mbeni pepe. Ayeke nzoni KOTA GBIA afâ ya ti ngbanga so ayeke na popo ti mbi na mo.”

Tongo nda ti aye 2:2

Na lango mbarambara ni, Nzapa ahunzi kua ti lo. Na lango mbarambara ni, Nzapa awu tere ti lo na peko ti kua so kue lo sara.

Tongo nda ti aye 33:4

Ezau amu loro ague, awara lo; lo gbu Jacob ngangu na kate ti lo si lo su ngbangba ti lo. Ala use kue atoto.

1 Mbai 12:18

David aga na dawa ti ala si lo tene na ala: “Tongana ala ga na tënë ti siriri na mbi si ala ye ti mu maboko na mbi, fade mbi yeke yamba ala na be ti mbi kue. Me tongana ala ga ti handa mbi ti zia mbi na maboko ti awato ti mbi, ataa so mbi sara ye ti sioni oko pepe, ayeke nzoni Nzapa ti akotara ti e abaa ye ni si lo fâ ya ti tënë ni.”

Mbeti ti Job 6:25

Tenengo taa-tënë ayeke so be ti zo? Me ala suku na mbi ndali ti nyen?

Abia (Psaumes) 119:154

Gbu koko ti mbi, zi mbi na ya ti tënë alingbi na atënë ti yanga ti mo, tongaso si mbi kiri mbi duti na fini.

Amato 15:1

Kiringo tënë na nzoni be asara si ngonzo ade; me tënë ti songo be asara si ngonzo alondo.

Amato 25:11

Tënë so zo atene si alingbi taa na ngoi ni ayeke tongana aye ti pendere so a sara na lôro si a zia alimo so a sara na wen ti nginza daa.

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Awatokua 6:10

Me Étienne atene tënë na lege ti ndara so Yingo-Vuru amu na lo, nilaa ala lingbi ti hon lo na tënë pepe.

Awafango-ngbanga 11:27

Ti mbi, mbi sara mbeni sioni ye na mo pepe; me mo laa mo sara sioni na mbi, ngbanga ti so mo ye ti sara bira na mbi. Ayeke nzoni KOTA GBIA, lo so lo yeke fâ ngbanga ti azo kue, afâ ngbanga na popo ti azo ti Israel na azo ti Amon laso.”

1 Samuel 26:17

Saul ahinga atene, so go ti David laa; lo hunda ndo, lo tene: “David, molenge ti mbi, so taa go ti mo laa?” David akiri tënë: “Go ti mbi laa gbia, kota zo ti mbi.”

1 Samuel 26:24

Tongana fini ti mo aga mbeni kota ye na le ti mbi laso, ayeke nzoni fini ti mbi aga nga mbeni kota ye na le ti KOTA GBIA si lo soo mbi na ya ti ye ti ngangu kue.”