1 Samuel 24:15 - Mbeti ti Nzapa - Tënë so amu fini

¹⁵ Gbia ti Israel ague ti tiri bira na zo wa? Mo yeke tumba peko ti zo wa? Mo yeke tumba peko ti kuâ ti mbo, mo yeke tumba peko ti buba mandere!

1 Samuel 24:15 ပူးပေါင်းရင်းမြစ်များ

2 Mbai 24:22

Gbia Yoas agirisa nzoni be so Yoyada, babâ ti Zakarii asara lani na lo si lo mu yanga titene a fâ Zakarii ni. Kozoni si Zakarii akui, lo dekongo, lo tene: “Ayeke nzoni KOTA GBIA abaa ye so mo sara so si lo hunda peko ni na mo.”

Abia (Psaumes) 119:154

Gbu koko ti mbi, zi mbi na ya ti tënë alingbi na atënë ti yanga ti mo, tongaso si mbi kiri mbi duti na fini.

Abia (Psaumes) 35:1

Bia ti David. *KOTA GBIA, bi tënë na li ti azo so ayeke bi tënë na li ti mbi; tiri na azo so ayeke tiri na mbi.

Abia (Psaumes) 43:1

Nzapa, mo fâ ngbanga ti mbi, mo gbu koko ti mbi ti kanga lege na azo so ake mo. Mo zi mbi na maboko ti azo ti handango zo nga na maboko ti azo ti fango zo.

Mishe 1:2

Ala amara kue, ala ma si! Mo, sese na aye so kue ayeke na ndö ti mo, ala dingi mê ti ala, ala ma si! Ti londo na da ti lo so ayeke nde si ayeke nzoni kue, Kota Gbia NZAPA ayeke ga ti bi tënë na li ti ala.

Mishe 7:9

Ayeke nzoni mbi kanga be ti mbi na ngonzo ti KOTA GBIA, ngbanga ti so mbi sara siokpari ti ke ti lo. Me mbeni lango ayeke ga so fade lo yeke mu tënë ti mbi na maboko ti lo, lo yeke sara si fango ngbanga ti mbi aduti na legeni. Lo yeke zi mbi na ya ti vukongo ndo ti zia mbi na ya ti lumiere si fade mbi yeke baa aye ti lo so lo sara ni na lege ti mbirimbiri.

Awafango-ngbanga 11:27

Ti mbi, mbi sara mbeni sioni ye na mo pepe; me mo laa mo sara sioni na mbi, ngbanga ti so mo ye ti sara bira na mbi. Ayeke nzoni KOTA GBIA, lo so lo yeke fâ ngbanga ti azo kue, afâ ngbanga na popo ti azo ti Israel na azo ti Amon laso.”

1 Samuel 17:43

Zo ti Filistii so atene na David: “Mbi yeke mbo si mo mu keke ti ga ti tiri na mbi so? Na pekoni, zo ti Filistii so adeba David na iri ti anzapa ti lo.”

1 Samuel 24:12

Babâ gbia, baa ye! Baa yanga ti kota bongo ti mo laa ayeke na maboko ti mbi so! So mbi fâ yanga ti kota bongo ti mo si mbi fâ mo pepe so, ayeke nzoni mo hinga, mo tene, be ti mbi ayeke sioni na tere ti mo pepe, wala be ti mbi ake mo pepe si mbi sara nga sioni ti ke mo pepe. Mo laa mo yeke tumba peko ti mbi ti fâ mbi.

1 Samuel 25:39

David ama a tene, Nabal akui si lo tene: “Mbi mu singila mingi na *KOTA GBIA so agbu koko ti mbi ndali ti zonga so Nabal azonga na mbi so. Mbi mu singila na KOTA GBIA so akanga lege na mbi, zo ti kua ti lo si mbi sara sioni oko pepe so. KOTA GBIA asara si sioni ti Nabal akiri na li ti lo wani.” Na pekoni, David atokua azo na Abigail ti tene na lo, tongana lo yeda, ni mu lo ti ga wali ti ni.

1 Samuel 26:20

Fadeso mbi ye titene mene ti mbi atuku na sese yongoro na le ti KOTA GBIA pepe. Gbia ti Israel amu azo na tere ti lo ti tumba peko ti buba mandere tongana ti so azo ayeke tumba peko ti dodoro na li ti ahoto so.”

1 Samuel 26:4

Lo tokua ambeni zo ti *bembe ndo. Tongaso lo hinga so Saul asi biani.