1 Samuel 24:13 - Mbeti ti Nzapa - Tënë so amu fini

¹³ Ayeke nzoni KOTA GBIA afâ ngbanga na popo ti mbi na mo. Ayeke nzoni KOTA GBIA akiri peko ti sioni na mo ndali ti sioni so mo sara na mbi so. Me fade maboko ti mbi ayeke ndu mo pepe.

1 Samuel 24:13 ပူးပေါင်းရင်းမြစ်များ

Tongo nda ti aye 16:5

Sarai atene na Abram: “Mbana so Agar ayeke sara na mbi so, tënë ni ayeke na li ti mo. Mbi laa mbi mu zo ti kua ti mbi, mbi zia lo na kate ti mo. Gi so lo baa lo yeke na ngo awe, mbi ne na le ti lo mbeni pepe. Ayeke nzoni KOTA GBIA afâ ya ti ngbanga so ayeke na popo ti mbi na mo.”

1 Mbai 12:18

David aga na dawa ti ala si lo tene na ala: “Tongana ala ga na tënë ti siriri na mbi si ala ye ti mu maboko na mbi, fade mbi yeke yamba ala na be ti mbi kue. Me tongana ala ga ti handa mbi ti zia mbi na maboko ti awato ti mbi, ataa so mbi sara ye ti sioni oko pepe, ayeke nzoni Nzapa ti akotara ti e abaa ye ni si lo fâ ya ti tënë ni.”

Ezekiel 16:44

“Jérusalem, azo ti tenengo mato ayeke tene ande mato na iri ti mo, atene: ‘Gi sarango ye ti mama ti lo laa molenge-wali so amu so!’

Matthieu 15:19

Biani, aye tongana asioni tënë ti be ti zo, fango zo, gingo wali wala koli ti zo, sarango aye ti ndumba, nzi, tenengo mvene na le ti ngbanga na zongango ndo, alondo kue na be ti zo si asigigi.

Matthieu 7:20

Tongaso, ala yeke hinga ande awayanga-Nzapa ti mvene na lege ti asarango ye ti ala.”

Awafango-ngbanga 11:27

Ti mbi, mbi sara mbeni sioni ye na mo pepe; me mo laa mo sara sioni na mbi, ngbanga ti so mo ye ti sara bira na mbi. Ayeke nzoni KOTA GBIA, lo so lo yeke fâ ngbanga ti azo kue, afâ ngbanga na popo ti azo ti Israel na azo ti Amon laso.”