1 Samuel 23:9 - Mbeti ti Nzapa - Tënë so amu fini

⁹ David ama a tene, Saul aye ti sara sioni na lo si lo tene na wayango-sandaga Abiatar, lo tene: “Ga na efod si.”

1 Samuel 23:9 ပူးပေါင်းရင်းမြစ်များ

1 Agbia 2:26

Na pekoni, gbia atene na wayango-sandaga Abiatar: “Londo mo gue na Anatot, na ndo ti mo, ngbanga ti so mo lingbi na kuâ. Mbi yeke fâ mo laso pepe, ngbanga ti so mo yo lani sanduku ti *mbuki ti Kota Gbia NZAPA ti tambula na ni na dawa ti babâ ti mbi David si mo na lo abaa pasi mingi.”

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Osée 3:4

Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Wungo ti azo 27:21

Josué, lo wani, lo yeke luti na dawa ti wayango-sandaga Elazar; Elazar ayeke ga ti hunda mbi KOTA GBIA na lege ti Urim. Na pekoni, lo yeke tene peko ti tënë ti mbi na Josué. Fade Josué na bongbi ti azo ti Israel ayeke gue ti tiri bira, ala yeke kiri na kodro alingbi gi na yanga so mbi, KOTA GBIA, mbi mu.”

Awatokua 14:6

So awatokua ni ahinga tënë ni, ala kpe ague na mbage ti Listre na Derbe, agbata ti sese ti Likaonii, nga na akodro so ayeke na tere ni.

Awatokua 9:24

Me Saul ama tënë ni. Bi na lâ, azo ni ayeke bata ayanga ti gbagba ti gbata ni ti ku lo titene ala fâ lo.

1 Samuel 10:22

Ala kiri ahunda KOTA GBIA, atene: “Koli so asi ge?” KOTA GBIA atene: “Baa lo laa, lo honde tere ti lo na popo ti akungba so.”

1 Samuel 14:18

Saul atene na Ahia: “Mu sanduku ti *mbuki ti Nzapa, mo ga na ni.” Biani, na lango ni so sanduku ti mbuki ti Nzapa ni ayeke na ya ti bâbâ ti azo ti Israel.

1 Samuel 22:20

Gi Abiatar oko, molenge ti Ahimelek, molenge ti Ahitub laa akpe ague na tere ti David.

1 Samuel 23:10

David atene: “KOTA GBIA, Nzapa ti Israel, mbi zo ti kua ti mo mbi ma a tene, Saul aye ti ga na Keila ti buba gbata ni ndali ti mbi.

1 Samuel 23:6

Na ndembe so lani Abiatar, molenge ti Ahimelek akpe si lo gue na tere ti David na Keila so, andaa lo mu *efod, lo gue na ni.

1 Samuel 23:8

Tongaso Saul airi azo ti kodro kue titene ala gue na Keila angoro David na azo ti lo ti tiri bira na ala.

1 Samuel 30:7

David atene na wayango-sandaga Abiatar, molenge ti Ahimelek, atene: “Mbi gbu gere ti mo, ga na mbi aye ti hundango na nda ti ye na Nzapa.” Abiatar aga na lo aye ni.