1 Samuel 23:6 - Mbeti ti Nzapa - Tënë so amu fini

⁶ Na ndembe so lani Abiatar, molenge ti Ahimelek akpe si lo gue na tere ti David na Keila so, andaa lo mu *efod, lo gue na ni.

1 Samuel 23:6 ပူးပေါင်းရင်းမြစ်များ

1 Agbia 2:26

Na pekoni, gbia atene na wayango-sandaga Abiatar: “Londo mo gue na Anatot, na ndo ti mo, ngbanga ti so mo lingbi na kuâ. Mbi yeke fâ mo laso pepe, ngbanga ti so mo yo lani sanduku ti *mbuki ti Kota Gbia NZAPA ti tambula na ni na dawa ti babâ ti mbi David si mo na lo abaa pasi mingi.”

Sigingo 28:6

“Fade azo ti sarango ye na kode ayeke fu *efod ni na kamba ti *len so akpengba kpengbango, ala yeke bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala yeke kpo apendere nzoroko na tere ti efod ni na kamba so a sara na lôro.

1 Samuel 14:18

Saul atene na Ahia: “Mu sanduku ti *mbuki ti Nzapa, mo ga na ni.” Biani, na lango ni so sanduku ti mbuki ti Nzapa ni ayeke na ya ti bâbâ ti azo ti Israel.

1 Samuel 14:3

Mbeni wayango-sandaga aluti kâ, lo yu *efod; iri ti lo ayeke Ahia. Lo yeke molenge ti Ahitub, Ahitub ayeke ita ti Ikabod. Ikabod ayeke molenge ti Pinas, Pinas ayeke molenge ti Heli so ayeke wayango-sandaga ti *KOTA GBIA na kodro ti Silo. Aturugu ahinga tënë ti hongo ti Jonatan pepe.

1 Samuel 22:20

Gi Abiatar oko, molenge ti Ahimelek, molenge ti Ahitub laa akpe ague na tere ti David.

1 Samuel 23:2

David ahunda *KOTA GBIA, atene: “Mbi lingbi ti gue ti tiri bira na azo ti Filistii so senge?” KOTA GBIA akiri tënë na lo: “Mo gue, fade mo yeke kinda azo ti Filistii si mo soo azo ti gbata ti Keila na kuâ.”

1 Samuel 23:5

Tongaso David na azo ti lo ague na Keila si ala tiri bira na azo ti Filistii. Lo mu anyama ti ala si lo fâ azo ti Filistii mingi. Lege so David asoo azo ti Keila na kuâ laa.

1 Samuel 23:7

Azo ague, atene na Saul, atene, David asi na Keila awe. Nilaa Saul atene: “Nzapa azia lo na maboko ti mbi awe, ngbanga ti so lo li na ya ti gbata so gbagba ayeke na tere ni si a kanga yanga ni na angbongboro wen; lo kanga tere ti lo wani awe.”

1 Samuel 23:9

David ama a tene, Saul aye ti sara sioni na lo si lo tene na wayango-sandaga Abiatar, lo tene: “Ga na efod si.”

1 Samuel 30:7

David atene na wayango-sandaga Abiatar, molenge ti Ahimelek, atene: “Mbi gbu gere ti mo, ga na mbi aye ti hundango na nda ti ye na Nzapa.” Abiatar aga na lo aye ni.