1 Samuel 23:4 - Mbeti ti Nzapa - Tënë so amu fini

⁴ David akiri ahunda KOTA GBIA si KOTA GBIA akiri tënë na lo, atene: “Londo, mo gue na Keila; fade mbi yeke zia azo ti Filistii na maboko ti mo.”

1 Samuel 23:4 ပူးပေါင်းရင်းမြစ်များ

2 Samuel 2:1

Na peko ti aye so, David ahunda *KOTA GBIA, atene: “Mbi lingbi ti gue na mbeni gbata ti Juda?” KOTA GBIA akiri tënë: “Mo gue senge.” David ahunda ndo, atene: “Mbi lingbi ti gue na ndo wa?” KOTA GBIA akiri tënë: “Mo gue na Hebron.”

2 Samuel 5:19

David ahunda *KOTA GBIA, atene: “Alingbi mbi gue, mbi tiri bira na azo ti Filistii so? Fade mo yeke zia ala na maboko ti mbi?” KOTA GBIA akiri tënë na David: “Mo gue! Fade mbi yeke zia ala na maboko ti mo.”

2 Agbia 3:18

Élisée akiri atene: Me ye ni so ayeke duti kete ye na le ti KOTA GBIA. Fade lo yeke zia azo ti Moab na maboko ti ala.

1 Mbai 14:10

David ahunda Nzapa, atene: “Alingbi mbi gue, mbi tiri bira na azo ti Filistii so? Fade mo yeke zia ala na maboko ti mbi?” KOTA GBIA akiri tënë na David: “Mo gue! Fade mbi yeke zia ala na maboko ti mo.”

Josué 8:7

Tongaso ala, aturugu, fade ala yeke sigigi na ndo so ala honde tere ti ala daa so si ala yeke mu gbata ni. Biani, KOTA GBIA, Nzapa ti ala ayeke zia ni na maboko ti ala.

Awafango-ngbanga 6:39

Gédéon atene na Nzapa: “Ayeke nzoni ngonzo ti mo alondo na tere ti mbi pepe, tongana mbi kiri mbi hunda na mo mbeni ye. Mo mu na mbi lege titene mbi tara ti ndangba ni ti sara ye na lege ti poro ti taba so kua ni angba daa so: mbi ye titene kua ti tere ti taba ni angba na holengo ni si ngu ti pere ati gi na sese na tere ni.”

Awafango-ngbanga 7:7

KOTA GBIA atene na Gédéon: “Na lege ti azo ngbangbo ota so anyon ngu na menga ti ala so laa mbi yeke soo azo ti Israel; na lege ti azo ni, mbi yeke zia azo ti Madian na maboko ti ala, azo ti Israel. Ayeke nzoni tanga ti azo ni kue akiri na ndo ti ala.”

Awafango-ngbanga 7:9

Gi na bi ni so, *KOTA GBIA atene na Gédéon: “Londo, mo li na ya ti bâbâ ti azo ti Madian ti sara bira, ngbanga ti so mbi zia ala na maboko ti mo awe.

1 Samuel 10:22

Ala kiri ahunda KOTA GBIA, atene: “Koli so asi ge?” KOTA GBIA atene: “Baa lo laa, lo honde tere ti lo na popo ti akungba so.”

1 Samuel 23:2

David ahunda *KOTA GBIA, atene: “Mbi lingbi ti gue ti tiri bira na azo ti Filistii so senge?” KOTA GBIA akiri tënë na lo: “Mo gue, fade mo yeke kinda azo ti Filistii si mo soo azo ti gbata ti Keila na kuâ.”

1 Samuel 23:3

Azo ti David atene na lo: “Na sese ti Juda ge, e yeke na mbeto. Tongana e gue na Keila ti tiri bira na aturugu ti Filistii, fade ye ni ayeke duti tongana nyen?”

1 Samuel 23:5

Tongaso David na azo ti lo ague na Keila si ala tiri bira na azo ti Filistii. Lo mu anyama ti ala si lo fâ azo ti Filistii mingi. Lege so David asoo azo ti Keila na kuâ laa.

1 Samuel 28:6

Lo hunda *KOTA GBIA, me KOTA GBIA akiri tënë na lo pepe, ataa na lege ti bango-li, wala na lege ti ye so a iri ni Urim wala na lege ti awayanga-Nzapa.

1 Samuel 30:8

David ahunda KOTA GBIA, atene: “Tongana mbi tumba peko ti bongbi ti azo so ahon so, fade mbi yeke wara ala?” KOTA GBIA atene na lo: “Mo tumba peko ti ala; fade mo yeke wara ala si mo yeke zi azo ti mo na maboko ti ala.”