1 Samuel 23:3 - Mbeti ti Nzapa - Tënë so amu fini

³ Azo ti David atene na lo: “Na sese ti Juda ge, e yeke na mbeto. Tongana e gue na Keila ti tiri bira na aturugu ti Filistii, fade ye ni ayeke duti tongana nyen?”

1 Samuel 23:3 ပူးပေါင်းရင်းမြစ်များ

Abia (Psaumes) 11:1

Bia ti David; bia so ayeke ndali ti makonzi-bia. *KOTA GBIA ayeke ndo so mbi kpe daa ti bata tere ti mbi. Ngbanga ti nyen si ala tene na mbi, atene: “Kpe mo gue na ndö ti ahoto tongana ndeke!”?

Jérémie 12:5

KOTA GBIA atene: “Tongana mo lingbi ti mu loro na azo ti kpengo loro pepe, mo lingbi ti sara mandako ti loro na ambarata tongana nyen? Tongana mo duti na siriri gi na ya ti kodro so ye kue ayeke na legeni, fade mo yeke sara tongana nyen na ya ti gbako ti yanga ti ngu ti Jourdain?

1 Samuel 23:15

David ahinga atene, Saul ayeke gi lo ti fâ lo. Nilaa lo ngba na Horsha, na benyama ti Zif.

1 Samuel 23:2

David ahunda *KOTA GBIA, atene: “Mbi lingbi ti gue ti tiri bira na azo ti Filistii so senge?” KOTA GBIA akiri tënë na lo: “Mo gue, fade mo yeke kinda azo ti Filistii si mo soo azo ti gbata ti Keila na kuâ.”

1 Samuel 23:23

Ando so kue lo honde tere ti lo daa, ala baa ni nzoni. Na pekoni, ala kiri aga afa na mbi ndo ni mbirimbiri si fade mbi na ala e gue. Tongana lo yeke na ya ti kodro ni, fade mbi yeke gi lo na ya ti kodro ni, mbi yeke gi lo na sese ti azo ti akete mara ti Juda oko oko kue ngbii mbi wara lo.”

1 Samuel 23:26

Saul na azo ti lo ayeke tambula na tere ti hoto na mbage si David na azo ti lo ayeke tambula nga na tere ti hoto ni na mbeni mbage. David atambula hio hio titene lo kpe na maboko ti Saul. Angba gi kete ka Saul na azo ti lo angoro David na azo ti lo titene agbu ala.

1 Samuel 23:4

David akiri ahunda KOTA GBIA si KOTA GBIA akiri tënë na lo, atene: “Londo, mo gue na Keila; fade mbi yeke zia azo ti Filistii na maboko ti mo.”