1 Samuel 23:23 - Mbeti ti Nzapa - Tënë so amu fini

²³ Ando so kue lo honde tere ti lo daa, ala baa ni nzoni. Na pekoni, ala kiri aga afa na mbi ndo ni mbirimbiri si fade mbi na ala e gue. Tongana lo yeke na ya ti kodro ni, fade mbi yeke gi lo na ya ti kodro ni, mbi yeke gi lo na sese ti azo ti akete mara ti Juda oko oko kue ngbii mbi wara lo.”

1 Samuel 23:23 ပူးပေါင်းရင်းမြစ်များ

1 Agbia 18:10

KOTA GBIA, Nzapa ti mo ayeke na fini! Akab atokua azo na ya ti akodro ti amara kue nga na ya ti akodro-gbia kue titene azo agi mo aga na mo. Tongana mbeni zo atene: ‘Lo yeke na ya ti kodro ti e ge pepe’, lo yeke hunda na azo ti kodro ni ti deba yanga ti ala atene: ‘E wara mo pepe’.

2 Agbia 6:13

Tongaso gbia ti Sirii amu yanga, atene: “Ala gue, abaa ndo so lo yeke daa; fade mbi yeke tokua azo ti gbu lo!” Azo aga atene na gbia ti Sirii: “Élisée ayeke na Dotan.”

Abia (Psaumes) 10:8

Lo yeke honde tere ti lo na peko ti kete kodro; Na hondengo ni, lo yeke fâ zo so asara sioni pepe. Le ti lo ayeke gi zo so ayeke na ngangu pepe.

Amato 1:16

Biani, ala yeke mu loro ti gue ti sara sioni; ala yeke nduru nduru ti tuku mene.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Wungo ti azo 10:36

Na ndembe so ala yeke zia sanduku ni na sese, Moïse ayeke tene: “KOTA GBIA, mo kiri fadeso, mo ga, mo duti na tere ti gba ti amara ti azo ti Israel!”

Marc 14:1

*Matanga ti Pake na ti Mapa so a sara na mama ni pepe angba lango use. Akota wayango-sandaga na awafango-ndia ayeke gi lege ti gbu Jésus na lege ti mbeni mayere titene ala fâ lo.

1 Samuel 23:22

Tongaso, ala gue, agi nda ti tënë ni nzoni, ala gi ti hinga mbirimbiri ndo so lo yeke daa; ala gi nga ti hinga zo so abaa ndo so lo yeke daa. Mbi ma a tene, le ti lo akpengba mingi.

1 Samuel 23:24

Azo ni ahon ti gue na Zif kozoni na Saul. David na azo ti lo ayeke na benyama ti Maon so ayeke na mbage ti Mbongo ti lando.

1 Samuel 24:11

Laso, mo baa na le ti mo wani awe; laso KOTA GBIA azia mo na maboko ti mbi na ya ti du ti têne so. Azo atene na mbi ti fâ mo, me mbi ke si mbi tene: ‘Maboko ti mbi alingbi ti ndu kota zo ti mbi pepe, ngbanga ti so KOTA GBIA atuku mafuta na li ti lo awe.’