1 Samuel 23:20 - Mbeti ti Nzapa - Tënë so amu fini

²⁰ Gbia, tongana mo ye ti wara lo fafadeso, mo gue! E laa e yeke gbu lo ti zia lo na maboko ti mo.”

1 Samuel 23:20 ပူးပေါင်းရင်းမြစ်များ

2 Samuel 3:21

Abner atene na David: “Gbia ti mbi, mbi yeke gue ti bongbi azo ti Israel kue titene ala duti na gbe ti mo. Fade ala na mo ayeke sara *mbuki si mo yeke le-gbia na ndö ti kodro ni kue tongana ti so be ti mo aye.” David azia lege na Abner si Abner akiri na siriri.

Abia (Psaumes) 112:10

Zo ti sioni ayeke baa lo, be ti lo ayeke so, lo yeke te pembe ti lo si lo yeke ti. Ye so zo ti sioni asara nzara ni, fade ye ni ayeke buba kue.

Abia (Psaumes) 54:3

Nzapa, soo mbi ndali ti iri ti mo; na lege ti ngangu ti mo, fâ ngbanga ti mbi.

Amato 11:23

Nzara ti be ti azo ti mbirimbiri ayeke gi ye oko: sarango nzoni ye. Me ti azo ti sioni, ye so ala yeke ku ayeke gi ngonzo.

Amato 24:15

Mo zo ti sioni, mo honde tere ti mo pepe titene mo buba da ti zo ti mbirimbiri; aye so ayeke na ndo ti lango ti lo, mo nzi ni pepe.

Amato 29:26

Azo mingi ayeke gi lege ti ga nzoni na le ti makonzi ti ala, me gi KOTA GBIA oko laa ayeke fâ ngbanga ti zo oko oko na legeni.

Ndia ti fani use ni 18:6

Mbeni lâ, tongana mbeni zo ti mara ti Lévi ayeke na nzara ti londo na ya ti mbeni gbata ti Israel, ndo so lo sara kodro daa, ti gue na ndo so KOTA GBIA ayeke soro ni,

1 Samuel 23:12

David akiri atene: “Fade akota zo ti Keila ayeke zia mbi na azo ti mbi na maboko ti Saul?” KOTA GBIA akiri tënë, atene: “Azo ni ayeke zia ala na maboko ti lo.”

1 Samuel 23:21

Saul atene: “Ayeke nzoni *KOTA GBIA asara tufa na ndö ti ala, ngbanga ti so ala baa mawa ti mbi.