1 Samuel 23:13 - Mbeti ti Nzapa - Tënë so amu fini

¹³ Tongaso David na azo ti lo alondo na Keila ti hon, ala gue na ando nde nde. Wungo ti ala kue ayeke nduru na ngbangbo omene. Azo ague, atene na Saul, atene: “David alondo na Keila akpe awe.” So Saul ama tënë so, lo zia ti tokua azo ti tiri bira na gbata ni.

1 Samuel 23:13 ပူးပေါင်းရင်းမြစ်များ

2 Samuel 15:18

Aturugu kue ti gbia atambula na gbe ti le ti lo: ala ti Kereti na ti Peleti, na aturugu ti Gat so wungo ti ala ngbangbo omene so amu lani peko ti David, ala yeke tambula na gbe ti le ti lo.

2 Samuel 15:20

Mo si gi biri biri si laso, mbi lingbi ti mu mo ti hon na mo kirikiri? Ti mbi, mbi hinga ndo so mbi yeke gue daa pepe! Kiri na Jérusalem, mo mu a-ita ti mo na tere ti mo, mo gue na ala. Ayeke nzoni *KOTA GBIA asara nzoni be na mo, lo baa mawa ti mo!”

Mbeti ti Job 5:12

Azo so ayeke sara ye na sioni mayere, lo yeke buba pialo ti ala. Ye so ala ye ti sara, ala ha gbaa.

Abia (Psaumes) 34:5

Mbi gi KOTA GBIA, mbi sambela lo si lo kiri tënë na mbi, lo zi mbeto kue na be ti mbi.

1 Samuel 22:2

Azo so aye ti ngangu asi na ala, azo so yongo ti azo ayeke na li ti ala nga na azo so tere ti ala anzere pepe abongbi na tere ti David si lo ga makonzi ti ala. Wungo ti ala kue ayeke nduru na ngbangbo osio.

1 Samuel 25:13

David atene na azo ti lo: “Ayeke nzoni zo oko oko amu yongoro zeme ti lo, lo kanga ni na ngbonda ti lo!” Tongaso zo oko oko amu yongoro zeme ti lo; David nga amu yongoro zeme ti lo. Azo nduru na ngbangbo osio laa amu peko ti David si ala hon. Azo ngbangbo use si angba na tere ti akungba.