1 Samuel 23:12 - Mbeti ti Nzapa - Tënë so amu fini

¹² David akiri atene: “Fade akota zo ti Keila ayeke zia mbi na azo ti mbi na maboko ti Saul?” KOTA GBIA akiri tënë, atene: “Azo ni ayeke zia ala na maboko ti lo.”

1 Samuel 23:12 ပူးပေါင်းရင်းမြစ်များ

Abia (Psaumes) 118:8

Titene zo akpe na KOTA GBIA ti bata tere ti lo, so ayeke nzoni ahon titene lo zia be ti lo na ndö ti azo!

Abia (Psaumes) 143:8

Gi na ndaperere, tene na mbi tënë ti nzoni be ti mo, ngbanga ti so mbi zia be ti mbi na ndö ti mo; fa na mbi lege so mbi lingbi ti tambula daa, ngbanga ti so mbi yeke baa ndo gi na mo.

Abia (Psaumes) 31:8

Mbi yeke dodo na ngia, tere ti mbi anzere ndali ti nzoni be ti mo. Biani mo baa mawa ti mbi, mo hinga ye ti ngangu so asi na mbi.

Abia (Psaumes) 62:1

Bia so ayeke ndali ti makonzi-bia; a leke ni na kode ti Yedutun. Bia ti David.

Ésaïe 29:15

So mawa na azo so ayeke sara ye na gbe mingo si ala yeke honde apialo ti ala na *KOTA GBIA so! Ala yeke sara aye ti ala na ya ti vukongo ndo, ala yeke tene: “Zo wa laa abaa e, zo wa? Zo wa laa ahinga ye so e sara, zo wa?”

Jérémie 11:18

*KOTA GBIA afa ye ni na mbi si mbi hinga ni. Lo sara si mbi baa ye so ala ye ti sara.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Awafango-ngbanga 15:10

Azo ti Juda ahunda ala: “Ala ga ti sara bira na e ngbanga ti nyen?” Azo ti Filistii akiri tënë na ala, atene: “E ga ti gbu Samson titene e sara na lo gi mara ti ye so lo sara na e so.”

1 Samuel 23:11

Fade akota zo ti Keila ayeke zia mbi na maboko ti Saul? Saul ayeke ga ande biani na Keila tongana ti so mbi zo ti kua ti mo mbi ma tënë ni so? KOTA GBIA, Nzapa ti Israel, kiri tënë na mbi zo ti kua ti mo.” KOTA GBIA akiri tënë, atene: “Lo yeke ga.”

1 Samuel 23:20

Gbia, tongana mo ye ti wara lo fafadeso, mo gue! E laa e yeke gbu lo ti zia lo na maboko ti mo.”

1 Samuel 23:7

Azo ague, atene na Saul, atene, David asi na Keila awe. Nilaa Saul atene: “Nzapa azia lo na maboko ti mbi awe, ngbanga ti so lo li na ya ti gbata so gbagba ayeke na tere ni si a kanga yanga ni na angbongboro wen; lo kanga tere ti lo wani awe.”