1 Samuel 22:8 - Mbeti ti Nzapa - Tënë so amu fini

⁸ Ngbanga ti nyen si ala kue ayeke leke tënë na tere ti mbi na hondengo ni? So molenge ti mbi na molenge ti Yese ama tere ti ga *ambuki so, zo oko na popo ti ala atene na mbi tënë ni pepe, zo oko abaa mawa ti mbi pepe. So molenge ti mbi ayeke pusu zo ti kua ti mbi ti leke kuku titene mbi ti daa, zo oko ti tene tënë ni na mbi ayeke daa pepe. Ye ni laa e yeke baa laso so.”

1 Samuel 22:8 ပူးပေါင်းရင်းမြစ်များ

2 Agbia 6:11

Li ti gbia ti Sirii akpe kue ndali ti ye so asi so. Lo bongbi aturugu ti lo ti kota kamba si lo tene na ala: “Mbeni zo na popo ti e ayeke ka e na gbia ti Israel! Ala ye ti fa zo ni na mbi pepe?”

Mbeti ti Job 33:16

Lo yeke zi mê ti azo si lo yeke gboto mê ti ala biani biani.

1 Samuel 18:1

Gi so David ahunzi ti tene tënë na Saul awe, Jonatan aye David; lo ye David tongana ti so lo ye na tere ti lo wani.

1 Samuel 18:3

Tongaso, Jonatan na David aleke tënë na popo ti ala, ngbanga ti so Jonatan aye lo tongana ti so lo ye na tere ti lo wani.

1 Samuel 20:2

Jonatan akiri tënë na lo: “Oko pepe! Fade mo yeke kui pepe. Tongana babâ ti mbi aye ti sara mbeni ye, wala kota ye, wala kete ye, lo yeke tene tënë ni na mbi kozoni. Babâ ti mbi ahonde tënë so na mbi ngbanga ti nyen? Ye ni alingbi ti duti tongaso pepe.”

1 Samuel 20:42

Jonatan atene na David: “Gue nzoni! Biani, e use kue, e deba yanga ti e na iri ti KOTA GBIA awe: ayeke nzoni KOTA GBIA aduti na popo ti mbi na mo, na popo ti *ahale ti mbi nga na ahale ti mo kpu na kpu.”

1 Samuel 20:8

Sara nzoni be na mbi, ngbanga ti so mbi na mo, e ga *ambuki na le ti KOTA GBIA awe. Tongana mbi sara mbeni sioni ye, ayeke nzoni mo wani, mo fâ mbi ahon titene mo zia mbi na maboko ti babâ ti mo.”

1 Samuel 22:13

Saul atene na lo: “Mo na molenge ti Yese aleke tënë na tere ti mbi na hondengo ni ngbanga ti nyen? Mo mu na lo kobe, mo mu nga na lo yongoro zeme si mo hunda Nzapa ndali ti lo titene lo leke kuku si mbi ti daa. Ye ni laa e yeke baa laso so.”

1 Samuel 23:21

Saul atene: “Ayeke nzoni *KOTA GBIA asara tufa na ndö ti ala, ngbanga ti so ala baa mawa ti mbi.