1 Samuel 22:7 - Mbeti ti Nzapa - Tënë so amu fini

⁷ Saul atene na azo ti kua ni: “Ala, azo ti Benjamin, ala ma mbi nzoni! Fade molenge ti Yese ayeke mu na ala kue ayaka na ayaka ti *vinye tongana ti so mbi mu na ala so? Lo yeke mu ande ala titene ala ga amakonzi na ndö ti aturugu saki oko wala na ndö ti aturugu ngbangbo oko?

1 Samuel 22:7 ပူးပေါင်းရင်းမြစ်များ

2 Samuel 18:1

David adiko wungo ti aturugu ti lo, lo zia amakonzi na ndö ti aturugu saki oko, amakonzi na ndö ti aturugu ngbangbo oko.

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

1 Mbai 12:16

Ala laa afâ ngu ti Jourdain na kozo nze, na ngoi so ngu ni asuku mingi si ala tumba azo so alango na apopo-hoto ni kue, na mbage ti To nga na mbage ti Do.

Ésaïe 11:1

Fade mbeni kete keke ayeke sigigi na tere ti nduru keke ti Yese; kete keke ayeke sigigi na gere ni.

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

1 Samuel 18:14

Na ya ti abira so kue David ayeke gue daa, lo yeke so benda, ngbanga ti so KOTA GBIA ayeke na lo.

1 Samuel 20:27

Na ndade ni nga, na use lango ti matanga ti fini nze ni, ndo ti David angba senge. Nilaa Saul ahunda molenge ti lo Jonatan, atene: “Biri na laso, molenge ti Yese aga na tengo kobe ni pepe ngbanga ti nyen?”

1 Samuel 20:30

Saul asara ngonzo na tere ti Jonatan si lo tene na lo: “Mo, so mama ti mo ayeke wali-mbo so! Mbi hinga kue, mo yeke sara beoko na molenge ti Yese. Buba ti mo na ti mama ti mo kue.

1 Samuel 22:13

Saul atene na lo: “Mo na molenge ti Yese aleke tënë na tere ti mbi na hondengo ni ngbanga ti nyen? Mo mu na lo kobe, mo mu nga na lo yongoro zeme si mo hunda Nzapa ndali ti lo titene lo leke kuku si mbi ti daa. Ye ni laa e yeke baa laso so.”

1 Samuel 22:9

Doeg, zo ti Edom so ayeke lani na popo ti azo ti kua ti Saul akiri tënë, atene: “Mbi baa molenge ti Yese asi na Nob na ndo ti Ahimelek, molenge ti Ahitub.

1 Samuel 25:10

Nabal akiri tënë na azo ti kua ti David, atene: “David ni ayeke zo wa? Molenge ti Yese ni ayeke zo wa? Fadeso angbaa mingi ayeke kpe na ndo ti awa ti ala.