1 Samuel 22:3 - Mbeti ti Nzapa - Tënë so amu fini

³ David alondo na ndo so lo gue na Mispe, na sese ti Moab. Lo tene na gbia ti Moab: “Mbi gbu gere ti mo, zia lege na babâ ti mbi na mama ti mbi ti ga ti duti na tere ti mo ngbii mbi hinga ye so Nzapa ayeke sara ande ndali ti mbi si.”

1 Samuel 22:3 ပူးပေါင်းရင်းမြစ်များ

Tongo nda ti aye 47:11

Joseph amu ndo na babâ ti lo, na a-ita ti lo titene ala sara kodro daa. Lo mu na ala sese na kodro ti Ezipte, na nzoni sese ti kodro ni, so ti tene na kodro ti Ramses tongana ti so Faraon amu yanga na lo.

2 Samuel 8:2

Lo hon nga ndö ti azo ti Moab na bira, lo zia ala, ala lango na sese, lo diko ala si na popo ti azo ota, lo fâ azo use si lo zia oko; lo sara gi tongaso ngbii asi na ndani. Nilaa azo ti Moab aga azo ti gbe ti David si ala yeke futa lapo na lo.

Sigingo 20:12

“Alingbi mo ne babâ ti mo na mama ti mo, tongaso si gigi ti mo ayo na ndö ti sese so mbi KOTA GBIA Nzapa ti mo, mbi mu na mo.

1 Timothée 5:4

Tongana mbeni wali-mua ayeke na amolenge wala atara, alingbi ala hinga ti bata azo ti sewa ti ala kozoni, ti kiri na peko ti nzoni ye so ababâ na amama ti ala asara ando na ala. Ye so anzere na le ti Nzapa laa.

Awafango-ngbanga 11:29

Yingo ti *KOTA GBIA aga na ndö ti Yefte. Lo hon na sese ti Galaad na ti Manase, lo gue, lo si na Mispa so ayeke na Galaad; lo londo na ndo so, lo fâ katikati ti sese ti azo ti Amon.

Ruth 4:10

Na ndö ni kue, mbi mu Ruth, zo ti Moab, wali ti Malon titene lo ga wali ti mbi. Tongaso si mbi sara titene iri ti Malon so akui angba na ndö ti aye so lo zia ni si a-ita ti lo agirisa iri ti lo pepe si iri ti lo angba nga na ndo so azo ayeke leke ka tënë daa so. Ala kue laa ayeke laso na tere ti tënë ni.”

Ruth 4:17

Awali so ayeke lango nduru na tere ti lo atene: “A du molenge-koli na Noemi awe.” Ala di iri ti molenge ni Obed. Obed ayeke babâ ti Yese so ayeke babâ ti David.

1 Samuel 14:47

Gi so Saul aga gbia ti Israel awe, lo tiri bira na awato ti lo kue so angoro lo: azo ti Moab, azo ti Amon, azo ti Edom, agbia ti Soba nga na azo ti Filistii. Na ndo so kue lo hon daa, lo so benda.

1 Samuel 22:2

Azo so aye ti ngangu asi na ala, azo so yongo ti azo ayeke na li ti ala nga na azo so tere ti ala anzere pepe abongbi na tere ti David si lo ga makonzi ti ala. Wungo ti ala kue ayeke nduru na ngbangbo osio.

1 Samuel 22:4

David ague na babâ na mama ti lo na dawa ti gbia ti Moab; ala ngba na tere ti gbia ngbii asi na ngoi so kue David ahonde tere ti lo so.

1 Samuel 3:18

Tongaso Samuel afa na Heli peko ti atënë so kue. Lo honde mbeni tënë oko pepe. Heli atene: “KOTA GBIA laa; ayeke nzoni lo sara ye so be ti lo aye!”