1 Samuel 22:17 - Mbeti ti Nzapa - Tënë so amu fini

¹⁷ Na pekoni, gbia atene na aturugu ti batango lo so ayeke na tere ti lo so, atene: “Ala gue, afâ awayango-sandaga ti *KOTA GBIA, ngbanga ti so ala nga, ala yeke mu maboko na David. Ala hinga atene lo kpe, me ala tene tënë ni na mbi pepe.” Me azo ti kua ti gbia ni ake titene maboko ti ala andu awayango-sandaga ti KOTA GBIA.

1 Samuel 22:17 ပူးပေါင်းရင်းမြစ်များ

2 Samuel 15:1

Na pekoni, Absalom aleke pusu ti mbarata na ambarata, lo mu azo baleoku so ayeke kpe na dawa ti lo.

1 Agbia 1:5

Gi na ndembe ni so, Adonia, so mama ti lo ayeke Hagite, ayeke pika kate ti lo si lo yeke tene: “Mbi laa mbi yeke ga ande gbia!” Lo mu mbeni pusu ti mbarata, ambarata nga na ambeni koli baleoku titene ala kpe loro na dawa ti lo.

1 Agbia 14:27

Gbia Roboam asara avala na bengba wen, lo mu ni na amakonzi ti aturugu so ayeke bata yanga ti yangbo ti gbia.

1 Agbia 18:4

Lani so Yezabel, wali ti gbia, afâ awayanga ti KOTA GBIA so, Obadia amu ambeni wayanga-Nzapa ngbangbo oko si lo honde ala. Lo mu ala baleoku, baleoku si lo honde ala na ya ti akota du ti têne use. Kâ, lo yeke mu na ala kobe na ngu.

2 Agbia 10:25

Gi so Yehu ahunzi ti ya sandaga so a yeke gbi ni kue na wâ, lo tene na aturugu nga na amakonzi ti aturugu ni, lo tene: “Ala li, ala fâ azo ni kue! Ala zia zo oko akpe pepe!” Tongaso aturugu ni afâ azo ni si ala bi kuâ ti ala na gigi ti gbata ni. Na pekoni, aturugu ni ali na ndo so ayeke nde si ayeke nzoni kue ahon atanga ni ti da ti nzapa Baal.

Sigingo 1:17

Me awali so ayeke mu molenge na tere ti awali akpe mbeto ti Nzapa; ala ke ti sara ye alingbi na yanga so gbia ti Ezipte amu na ala. Tongaso ala zia amolenge-koli angba na fini.

Awatokua 4:19

Me Pierre na Jean akiri tënë na ala: “Ti ma yanga ti ala wala ti ma yanga ti Nzapa, so wa laa ayeke nzoni? Ala wani, ala gbu li ti ala na tënë so!

1 Samuel 14:45

Me aturugu atene na Saul: “Jonatan so asara si azo ti Israel aso benda so, fade lo yeke kui biani? Tongana e fâ lo, so ayeke sioni ye mingi. KOTA GBIA ayeke na fini! E yeke yeda titene kua ti li ti Jonatan oko ati na sese pepe, ngbanga ti so lo na Nzapa laa asara ye so laso!” Tongaso aturugu asoo Jonatan na ya ti kuâ.

1 Samuel 2:31

Baa, lango titene mbi zi ngangu ti mo na ti azo ti kete mara ti mo kue aga nduru awe. Fade a yeke kiri ti wara mbeni mbakoro na ya ti sewa ti mo pepe.

1 Samuel 20:33

Saul ayo likongo ti lo ti kpo na Jonatan. Tongaso Jonatan ahinga atene, babâ ti lo aleke biani na be ti lo ti fâ David.

1 Samuel 22:13

Saul atene na lo: “Mo na molenge ti Yese aleke tënë na tere ti mbi na hondengo ni ngbanga ti nyen? Mo mu na lo kobe, mo mu nga na lo yongoro zeme si mo hunda Nzapa ndali ti lo titene lo leke kuku si mbi ti daa. Ye ni laa e yeke baa laso so.”

1 Samuel 22:16

Gbia atene: “Ahimelek, fade mo yeke kui, mo na azo ti sewa ti mo kue.”

1 Samuel 25:17

Fadeso, gbu li ti mo nzoni na ndö ti ye so mo lingbi ti sara, ngbanga ti sioni ye ayeke ti na ndö ti wa ti e nga na asewa ti lo kue. Wa ti e ayeke mbeni buba zo, zo alingbi ti tene tënë na lo pepe.”

1 Samuel 8:11

Lo tene: “Baa, lege so gbia so ayeke le-gbia ande na ndö ti ala ayeke so: fade lo yeke mu na popo ti amolenge ti ala ti koli ambeni titene ala kpe na apusu ti mbarata ti lo, ambeni ayeke kpe na ambarata ti lo, wala ala yeke kpe loro na dawa ti pusu ti mbarata ti lo.