1 Samuel 22:16 - Mbeti ti Nzapa - Tënë so amu fini

¹⁶ Gbia atene: “Ahimelek, fade mo yeke kui, mo na azo ti sewa ti mo kue.”

1 Samuel 22:16 ပူးပေါင်းရင်းမြစ်များ

1 Agbia 18:4

Lani so Yezabel, wali ti gbia, afâ awayanga ti KOTA GBIA so, Obadia amu ambeni wayanga-Nzapa ngbangbo oko si lo honde ala. Lo mu ala baleoku, baleoku si lo honde ala na ya ti akota du ti têne use. Kâ, lo yeke mu na ala kobe na ngu.

1 Agbia 19:2

Tongaso Yezabel atokua mbeni zo na Élie ti tene na lo: “Kekereke gi na oko ngbonga so, tongana mbi sara na mo mara ti ye so mo sara na awayanga ti nzapa Baal so pepe, ayeke nzoni anzapa asara ye ti ngangu mingi na mbi!”

Esther 3:6

So lo ma a tene, Mardochée ayeke zuife, lo leke na be ti lo ti fâ Mardochée. Me titene lo fâ gi lo oko, so ayeke lingbi pepe. Nilaa lo ye ti fâ azuife so kue ayeke lango na ya ti kodro so Zerses ayeke gbia daa.

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Daniel 2:12

Gi so gbia ama tënë so, ngonzo alondo na be ti lo tongana wâ. Lo mu yanga titene a fâ azo ti nganga so kue ayeke na Babilone.

Daniel 2:5

Gbia akiri tënë na ala, atene: “Mbi mu yanga awe, mbi tene: Tongana ala fa na mbi bango-li ni pepe si ala fa na mbi nda ni pepe, fade a yeke fâ ya ti ala nduru nduru si ada ti ala aga ndo ti azende.

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Awatokua 12:19

Herode amu yanga titene ala gi lo, me ala wara lo pepe. Tongaso Herode ahunda aturugu ni na nda ti tënë ni si lo mu yanga titene a fâ ala. Na pekoni, Herode alondo na Judée si lo gue, lo duti kete na gbata ti Sezare.

Ndia ti fani use ni 24:16

Moïse atene: Alingbi ti fâ ababâ na amama pepe ndali ti siokpari ti amolenge ti ala; alingbi nga ti fâ amolenge pepe ndali ti siokpari ti ababâ na amama ti ala; a yeke fâ zo oko oko ndali ti siokpari ti lo wani.

1 Samuel 14:44

Saul atene: “Tongana mo kui pepe, ayeke nzoni Nzapa asara ye ti ngangu mingi na mbi!”

1 Samuel 20:31

Tongana molenge ti Yese angba na fini, fade mo yeke duti nzoni oko pepe; mo yeke ga nga gbia pepe. Mo tokua azo fafadeso ti gbu lo, ti ga na lo na mbi, ngbanga ti so lo lingbi na kuâ.”

1 Samuel 22:15

Gi laso laa mbi to nda ti hunda Nzapa ndali ti lo? Mbi gbu li ti mbi kete pepe ti leke tënë na azo na hondengo ni na tere ti mo! Ayeke nzoni gbia azia tënë na li ti mbi, wala na li ti azo ti sewa ti mbi pepe. Mbi hinga ye oko na ya ti tënë so pepe.”

1 Samuel 22:17

Na pekoni, gbia atene na aturugu ti batango lo so ayeke na tere ti lo so, atene: “Ala gue, afâ awayango-sandaga ti *KOTA GBIA, ngbanga ti so ala nga, ala yeke mu maboko na David. Ala hinga atene lo kpe, me ala tene tënë ni na mbi pepe.” Me azo ti kua ti gbia ni ake titene maboko ti ala andu awayango-sandaga ti KOTA GBIA.