1 Samuel 22:10 - Mbeti ti Nzapa - Tënë so amu fini

¹⁰ Ahimelek ahunda *KOTA GBIA ndali ti lo. Lo mu na David kobe ti tengo ni; lo mu nga na lo yongoro zeme ti Goliat, zo ti Filistii.”

1 Samuel 22:10 ပူးပေါင်းရင်းမြစ်များ

Wungo ti azo 27:21

Josué, lo wani, lo yeke luti na dawa ti wayango-sandaga Elazar; Elazar ayeke ga ti hunda mbi KOTA GBIA na lege ti Urim. Na pekoni, lo yeke tene peko ti tënë ti mbi na Josué. Fade Josué na bongbi ti azo ti Israel ayeke gue ti tiri bira, ala yeke kiri na kodro alingbi gi na yanga so mbi, KOTA GBIA, mbi mu.”

1 Samuel 10:22

Ala kiri ahunda KOTA GBIA, atene: “Koli so asi ge?” KOTA GBIA atene: “Baa lo laa, lo honde tere ti lo na popo ti akungba so.”

1 Samuel 21:10

Wayango-sandaga ni akiri tënë: “Yongoro zeme ti Goliat, zo ti Filistii so lani mo fâ lo na popo-hoto ti Terebente ayeke daa. A kanga ni na ya ti kaba si a zia *efod na ndö ni. Tongana mo ye ti mu ni, mo mu ni senge. Mbeni yongoro zeme nde ayeke na ndo so pepe.” David atene: “Mu na mbi ni, mbeni zeme ti hon ni ayeke daa pepe.”

1 Samuel 22:11

Tongaso, gbia airi wayango-sandaga Ahimelek, molenge ti Ahitub, lo na asewa ti lo kue so ala yeke awayango-sandaga ti gbata ti Nob. Ala kue aga na ndo ti gbia.

1 Samuel 22:13

Saul atene na lo: “Mo na molenge ti Yese aleke tënë na tere ti mbi na hondengo ni ngbanga ti nyen? Mo mu na lo kobe, mo mu nga na lo yongoro zeme si mo hunda Nzapa ndali ti lo titene lo leke kuku si mbi ti daa. Ye ni laa e yeke baa laso so.”

1 Samuel 22:15

Gi laso laa mbi to nda ti hunda Nzapa ndali ti lo? Mbi gbu li ti mbi kete pepe ti leke tënë na azo na hondengo ni na tere ti mo! Ayeke nzoni gbia azia tënë na li ti mbi, wala na li ti azo ti sewa ti mbi pepe. Mbi hinga ye oko na ya ti tënë so pepe.”

1 Samuel 23:12

David akiri atene: “Fade akota zo ti Keila ayeke zia mbi na azo ti mbi na maboko ti Saul?” KOTA GBIA akiri tënë, atene: “Azo ni ayeke zia ala na maboko ti lo.”

1 Samuel 23:2

David ahunda *KOTA GBIA, atene: “Mbi lingbi ti gue ti tiri bira na azo ti Filistii so senge?” KOTA GBIA akiri tënë na lo: “Mo gue, fade mo yeke kinda azo ti Filistii si mo soo azo ti gbata ti Keila na kuâ.”

1 Samuel 23:4

David akiri ahunda KOTA GBIA si KOTA GBIA akiri tënë na lo, atene: “Londo, mo gue na Keila; fade mbi yeke zia azo ti Filistii na maboko ti mo.”

1 Samuel 30:8

David ahunda KOTA GBIA, atene: “Tongana mbi tumba peko ti bongbi ti azo so ahon so, fade mbi yeke wara ala?” KOTA GBIA atene na lo: “Mo tumba peko ti ala; fade mo yeke wara ala si mo yeke zi azo ti mo na maboko ti ala.”