1 Samuel 21:5 - Mbeti ti Nzapa - Tënë so amu fini

⁵ Wayango-sandaga ni akiri tënë na David, atene: “Mapa so ayeke na maboko ti mbi so, ayeke senge mapa pepe. Me gi mapa so a zia ni nde ndali ti Nzapa. Tongana azo ti kua ti mo alango fade na wali pepe, ka mbi mu na mo senge.”

1 Samuel 21:5 ပူးပေါင်းရင်းမြစ်များ

Sigingo 19:14

Moïse alondo na li ti hoto ni, lo zu ti ga na mbage ti azo ni. Lo sara si ala sukula sioni ti ala; ala sukula nga abongo ti ala.

Sigingo 19:15

Na pekoni, lo tene na azo ni, lo tene: “Ala leke tere ti ala ndali ti ota lango ni. Ala bongbi na wali ti ala pepe.”

Sigingo 25:30

Fade ala yeke mu mapa so a leke si a yeke zia na dawa ti mbi, ala zia na ndö ti meza ni si angba na dawa ti mbi lakue lakue.”

Awayango-sandaga 24:9

Agatoo ni ayeke ga ye ti Aaron na ahale ti lo; ala yeke te ni na mbeni ndo so ayeke nde si ayeke nzoni kue. Biani, agatoo ni ayeke nde si ayeke nzoni kue ahon atanga ni, ngbanga ti so a mu ni na popo ti akobe so a yeke zö ni kue na wâ ndali ti KOTA GBIA. So ayeke ye so aga ti ala kpu na kpu.”

Awayango-sandaga 8:26

Na ya ti sakpa ti mapa so a sara na mama ni pepe si ayeke na dawa ti KOTA GBIA, lo mu gatoo oko so a sara na mama ni pepe, na mbeni gatoo so a sara na mafuta nga na makara oko; lo zia ni na ndö ti akasa so mafuta ayeke daa mingi nga na ndö ti gere ti nyama ni ti mbage ti koli.

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

1 Korente 7:5

Ala gbanzi tere ti ala na ndö ti gbogbo pepe, gi tongana ala ma tere na ya ti mbeni kete ngoi ti sambela. Na pekoni, ala kiri ti duti tongana ti kozo; tongaso pepe, fade ala yeke na ngangu ti kangango nzara ti tere pepe si Satan awara lege ti handango ala.

1 Pierre 3:17

Tongana Nzapa aye titene ala baa pasi ndali ti sarango nzoni ye, so laa ayeke nzoni ahon titene ala baa pasi ndali ti sarango sioni ye.