1 Samuel 21:10 - Mbeti ti Nzapa - Tënë so amu fini

¹⁰ Wayango-sandaga ni akiri tënë: “Yongoro zeme ti Goliat, zo ti Filistii so lani mo fâ lo na popo-hoto ti Terebente ayeke daa. A kanga ni na ya ti kaba si a zia *efod na ndö ni. Tongana mo ye ti mu ni, mo mu ni senge. Mbeni yongoro zeme nde ayeke na ndo so pepe.” David atene: “Mu na mbi ni, mbeni zeme ti hon ni ayeke daa pepe.”

1 Samuel 21:10 ပူးပေါင်းရင်းမြစ်များ

1 Agbia 19:3

Mbeto agbu Élie si lo kpe, lo gue na mbeni ndo titene lo soo fini ti lo. Lo si na Bersheba, na sese ti Juda si lo zia zo ti kua ti lo kâ.

Abia (Psaumes) 56:1

Bia so ayeke ndali ti makonzi-bia. A he ni na go ti bia so iri ni: “Mbipa so akai kpoo yongoro kâ so.” Sambela ti ya ti be ti David. Lo he ni na ndembe so azo ti Filistii agbu lo na gbata ti Gat.

Jérémie 26:21

Gbia Yoakim, lo na angangu turugu ti lo kue nga na akota zo ti kodro ti lo ama atënë so Uria atene. Tongaso, gbia agi lege ti fâ lo. So Uria ama tënë ni, mbeto agbu lo si lo kpe, lo gue na Ezipte.

1 Samuel 17:2

Saul na aturugu ti Israel abongbi tere ti ala si ala sara ti ala bâbâ ni na popo-hoto ti Terebente. Na pekoni, ala leke tere ti ala ti tiri bira na azo ti Filistii.

1 Samuel 17:51

David akpe loro aluti na tere ti zo ti Filistii ni, lo gboto yongoro zeme ti zo ti Filistii ni na ya ti bozo ni, lo de go ti lo. So azo ti Filistii abaa so kpengba zo ti bira ti ala akui awe, ala kpe.

1 Samuel 22:10

Ahimelek ahunda *KOTA GBIA ndali ti lo. Lo mu na David kobe ti tengo ni; lo mu nga na lo yongoro zeme ti Goliat, zo ti Filistii.”