1 Samuel 20:6 - Mbeti ti Nzapa - Tënë so amu fini

⁶ Tongana babâ ti mo abaa so mbi yeke daa pepe, fade mo tene na lo: ‘David ahunda mbi mingi titene mbi zia lege na lo ti gue na Betlehem, gbata so a du lo daa. Lo ye titene lo na azo ti sewa ti lo kue asara matanga ti mungo *sandaga so ala yeke sara ka na ya ti ngu oko oko.’

1 Samuel 20:6 ပူးပေါင်းရင်းမြစ်များ

Jean 7:42

Mbeti ti Nzapa atene: ‘Fade Mesii ni ayeke *hale ti David. Lo yeke londo ande na Betlehem, kodro ti David si lo yeke ga.’”

Ndia ti fani use ni 12:5

Fade ala yeke gue ti voro lo gi na ndo so lo yeke soro ni na popo ti amara ti ala kue; na ndo so iri ti lo ayeke duti daa si azo ayeke gue ti voro lo daa.

1 Samuel 17:58

Saul ahunda lo: “Molenge ti mbi, babâ ti mo ayeke zo wa?” David akiri tënë: “Mbi yeke molenge ti Yese, zo ti gbe ti mo ti Betlehem.”

1 Samuel 20:28

Jonatan akiri tënë na Saul, atene: “David ahunda mbi mingi ti zia lege na lo ti gue na Betlehem.

1 Samuel 9:12

Amaseka-wali ni akiri tënë na ala: “Een, lo yeke daa! Singo ti lo laa! Ala gue hio si. Lo ga na ya ti gbata ni laso laso, ngbanga ti so azo ti gbata ni ayeke mu *sandaga laso na Nzapa na ndo so a leke na ndö ti hoto.