1 Samuel 20:41 - Mbeti ti Nzapa - Tënë so amu fini

⁴¹ Molenge ni akiri na kodro. David alondo na ndo so lo honde tere ti lo daa na mbage ti Mbongo, lo sigigi. Lo ti, lo kpo li ti lo na sese fani ota. Na pekoni, ala su ngbangba ti tere, ala toto mingi; David atoto ahon ndoni.

1 Samuel 20:41 ပူးပေါင်းရင်းမြစ်များ

Tongo nda ti aye 29:11

Na pekoni, Jacob asu ngbangba ti Rachel si lo toto.

Tongo nda ti aye 29:13

So Laban ama tënë ti singo ti Jacob, molenge ti ita ti lo ti wali, lo kpe, lo gue, lo wara lo. Lo gbu lo ngangu na kate ti lo, lo su ngbangba ti lo si lo gue na lo na da ti lo. Jacob afa na lo peko ti aye so kue asi.

Tongo nda ti aye 33:4

Ezau amu loro ague, awara lo; lo gbu Jacob ngangu na kate ti lo si lo su ngbangba ti lo. Ala use kue atoto.

Tongo nda ti aye 42:6

Joseph laa ayeke kota komanda ti kodro ni kue; lo laa lo yeke baa lege ti kango ale ti kobe na azo ti kodro kue. Tongaso a-ita ti Joseph asi, ala kuku, akpo li ti ala na sese na gbe ti lo.

Tongo nda ti aye 43:28

Ala kiri tënë: “Babâ ti e, zo ti gbe ti mo, angba na fini. Lo yeke nzoni.” Ala ba, akuku akpo li ti ala na sese na gbe ti lo.

Tongo nda ti aye 45:15

Lo su ngbangba ti a-ita ti lo kue si lo toto na tere ti ala. Na pekoni, a-ita ti lo atene tënë na lo.

2 Samuel 1:2

Na ota lango ni, mbeni koli alondo na ya ti bâbâ ti Saul asi. Bongo ti lo asuru surungo, ya ti li ti lo kue gi na sese ti fa vundu ti be ti lo. So lo si nduru na David awe, lo kuku, lo kpo li ti lo na sese.

2 Samuel 1:26

Ita ti mbi Jonatan, ndali ti mo, mbi yeke na vundu. Mo ye mbi lani mingi; yengo so mo ye na mbi ahon ti so koli aye wali ti lo.

2 Samuel 14:4

Wali ti Tekoa ni ague, atene tënë na gbia. Lo kuku, lo kpo li ti lo na sese si lo tene: “Gbia, soo mbi maa!”

2 Samuel 19:39

Gbia atene: “Nzoni! Fade mbi na Kimham, e yeke gue; mbi yeke sara na lo tongana ti so anzere na be ti mo. Ye so kue mo yeke hunda na mbi, mbi yeke mu na mo.”

2 Samuel 9:6

So Mefibaal, molenge ti Jonatan, tara ti Saul asi na ndo ti David awe, lo ti lo kpo li ti lo na sese na gbe ti David. David atene: “Mo Mefibaal laa?” Mefibaal akiri tënë: “Mbi zo ti kua ti mo laa.”

1 Agbia 1:16

Batsheba akuku na sese na dawa ti gbia, lo kpo ti lo na sese. Gbia ahunda lo, atene: “Mo ye nyen?”

1 Agbia 1:23

Azo atene na gbia: “Wayanga-Nzapa Natan aga awe!” Lo li, lo kuku, lo kpo li ti lo na sese na dawa ti gbia.

1 Agbia 1:31

Batsheba akuku na sese, lo kpo li ti lo na sese na dawa ti gbia si lo tene: “E mu David, gbia ti mbi, na nduzu lakue!”

Awatokua 20:37

Azo ni kue ati na toto si ala gbu Paul ngangu na kate ti ala ti su ngbangba ti lo.

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.

1 Samuel 18:3

Tongaso, Jonatan na David aleke tënë na popo ti ala, ngbanga ti so Jonatan aye lo tongana ti so lo ye na tere ti lo wani.

1 Samuel 20:40

Jonatan amu aye ti bira ti lo na molenge ni si lo tene na lo: “Mo gue na ni na kodro.”

1 Samuel 24:9

Na pekoni, David alondo na ya ti du ti têne ni asigigi si lo dekongo na peko ti Saul, atene: “Gbia, kota zo ti mbi.” Saul abaa ndo na peko ti lo. David akuku akpo li ti lo na sese.

1 Samuel 25:23

So Abigail abaa David awe, lo londo na ndö ti lele ni, lo zu hio na sese, lo kuku, lo kpo li ti lo na sese na dawa ti David.