1 Samuel 20:32 - Mbeti ti Nzapa - Tënë so amu fini

³² Jonatan akiri tënë na babâ ti lo Saul, atene: “A yeke fâ lo ngbanga ti nyen? Nyen laa lo sara?”

1 Samuel 20:32 ပူးပေါင်းရင်းမြစ်များ

Tongo nda ti aye 31:36

Ngonzo agbu Jacob si lo suku na Laban, lo tene: “Sioni ti nyen laa mbi sara? Mbi sara ye so ake ndia si mo yeke gi peko ti mbi tongaso so?

Amato 22:24

Zo so be ti lo gi wâ wâ, mo na lo asara kamarade pepe; zo so ayeke na ngonzo ti wâ mingi, mo na lo afono pepe.

Zo ti bongbingo azo 7:9

Alingbi mo sara ngonzo hio hio pepe; azo ti buba laa ayeke sara ngonzo hio hio.

Zo ti bongbingo azo 9:3

Na ndö ti sese so, mbeni sioni ye ayeke so: gi oko ye ayeke si na azo kue. Ndani laa be ti azo asi singo na aye ti sioni. So ala de na fini, ala sara ye tongana azo ti buba. Me na ndani, ala yeke gue na ndo ti akuâ.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Matthieu 27:23

Pilate akiri ahunda ala, atene: “Sioni ti nyen laa lo sara?” Me ala kiri adekongo ngangu, atene: “A fâ lo na ndö ti keke ti kroa!”

Nzoni Tënë so Luc asu na mbeti 23:22

Ti fani ota ni, lo hunda ala, lo tene: “Me sioni ye ti nyen laa koli so asara? Mbi wara mbeni tënë na li ti lo so alingbi ti fâ lo ndali ni pepe. Fade mbi yeke mu yanga titene a pika gi lo pikango si mbi zi lo.”

Jean 7:51

“*Ndia ti e amu lege na e ti fâ ngbanga na li ti zo so ade e ma tënë ti lo pepe si ade e hinga ye so zo ni asara pepe?”

1 Samuel 18:11

Saul ayo likongo ni na nduzu si lo tene na be ti lo, lo tene: “Fade mbi yeke kpo David, mbi pete lo na tere ti dere ti da.” Me fani use, David akpe na le ti likongo ni.

1 Samuel 19:4

Jonatan atene nzoni tënë ti David na babâ ti lo Saul, atene: “Ayeke nzoni gbia asara siokpari pepe na tere ti zo ti kua ti lo David, ngbanga ti so lo sara siokpari na tere ti mo pepe. Me lo sara nzoni ye mingi ndali ti mo.

1 Samuel 19:5

Lo ka yingo ti fâ Goliat, zo ti Filistii. Na lango ni so, *KOTA GBIA asara si azo ti Israel kue aso benda. Mo baa ye ni na le ti mo si tere ti mo anzere ndali ni. Mo ye ti tuku mene ti mbeni zo so asara sioni pepe ngbanga ti nyen? Mo ye ti fâ David senge senge ngbanga ti nyen?”

1 Samuel 20:1

David alondo na kodro ti Nayot so ayeke nduru na Rama, lo kpe, lo hon. Lo gue, lo wara Jonatan si lo tene na lo: “Nyen laa mbi sara na babâ ti mo, nyen? Sioni ti nyen wala siokpari ti nyen laa mbi sara na lo si lo yeke gi lege ti fâ mbi so?”

1 Samuel 20:7

Tongana gbia atene: ‘So nzoni’, andaa mbeni ye ti sarango mbi zo ti kua ti mo ayeke daa pepe. Me tongana lo sara ngonzo, hinga, mo tene lo ye ti fâ mbi laa.

1 Samuel 22:14

Ahimelek akiri tënë na gbia, atene: “Na popo ti azo ti kua ti mo kue, mbeni mbirimbiri zo tongana David ayeke daa? Lo yeke kogara ti gbia, lo ga makonzi ti aturugu ti batango mo, azo ti da ti mo ayeke ne lo mingi.