1 Samuel 20:31 - Mbeti ti Nzapa - Tënë so amu fini

³¹ Tongana molenge ti Yese angba na fini, fade mo yeke duti nzoni oko pepe; mo yeke ga nga gbia pepe. Mo tokua azo fafadeso ti gbu lo, ti ga na lo na mbi, ngbanga ti so lo lingbi na kuâ.”

1 Samuel 20:31 ပူးပေါင်းရင်းမြစ်များ

2 Samuel 12:5

Ngonzo agbu David mingi na tere ti koli so. Lo tene na Natan: “KOTA GBIA ayeke na fini! Koli so asara ye so alingbi na kuâ.

2 Samuel 19:28

Zo ti kua ti mbi ague, atene mvene na iri ti mbi na mo gbia. Me gbia ti mbi, mo yeke tongana *ange ti Nzapa; mo sara ye so mo baa nzoni na le ti mo.

Abia (Psaumes) 79:11

Ayeke nzoni dema ti azo ti kanga ague ngbii asi na mo. Azo so a fâ ngbanga ti kuâ na li ti ala so, mo so mo yeke na ngangu mingi so, ayeke nzoni mo bata ala na fini.

1 Samuel 19:6

Saul ama tënë ti Jonatan si lo deba yanga ti lo, lo tene: “KOTA GBIA ayeke na fini! Fade mbi yeke fâ David pepe.”

1 Samuel 20:30

Saul asara ngonzo na tere ti Jonatan si lo tene na lo: “Mo, so mama ti mo ayeke wali-mbo so! Mbi hinga kue, mo yeke sara beoko na molenge ti Yese. Buba ti mo na ti mama ti mo kue.

1 Samuel 20:8

Sara nzoni be na mbi, ngbanga ti so mbi na mo, e ga *ambuki na le ti KOTA GBIA awe. Tongana mbi sara mbeni sioni ye, ayeke nzoni mo wani, mo fâ mbi ahon titene mo zia mbi na maboko ti babâ ti mo.”

1 Samuel 23:17

Lo tene na David: “Sara mbeto pepe. Fade maboko ti babâ ti mbi Saul ayeke ndu mo pepe. Mo laa mo yeke ga ande gbia ti Israel; mbi si mbi yeke ga na peko ti mo. Babâ ti mbi Saul ahinga ni kue.”

1 Samuel 26:16

Ye so mo sara so ayeke nzoni pepe. KOTA GBIA ayeke na fini! Ala lingbi na kuâ, ngbanga ti so ala bata kota zo ti ala pepe, lo so KOTA GBIA atuku mafuta na li ti lo. Fadeso, baa si. Likongo ti gbia na ngângâ ti ngu so ayeke nduru na mbage ti li ti lo so ayeke na ndo wa?”