1 Samuel 20:30 - Mbeti ti Nzapa - Tënë so amu fini

³⁰ Saul asara ngonzo na tere ti Jonatan si lo tene na lo: “Mo, so mama ti mo ayeke wali-mbo so! Mbi hinga kue, mo yeke sara beoko na molenge ti Yese. Buba ti mo na ti mama ti mo kue.

1 Samuel 20:30 ပူးပေါင်းရင်းမြစ်များ

Mbeti ti Job 5:2

Biani, songo be laa ayeke fâ zo ti buba; zo so li ti lo ayeke daa pepe, kota be ayeke fâ lo.

Amato 14:29

Zo so asara ngonzo hio hio pepe, lo hinga ndo mingi; me zo so be ti lo ayeke wâ wâ, lo yeke fa buba ti lo na le ti azo.

Amato 15:2

Tënë ti azo ti ndara ayeke zia nzara ti mandango ye na be ti zo; me ti azo ti buba, gi abuba tënë laa ayeke sigigi na yanga ti ala.

Amato 19:12

Ngonzo ti gbia ayeke tongana toto ti bamara; me nzoni be ti lo ayeke tongana ngu ti ndö ti pere.

Amato 19:19

Zo so be ti lo wâ wâ, alingbi lo futa mbeni lamande. Tongana a diko lamande na li ti lo pepe, andaa a yeke pusu lo ti kiri ti sara ngonzo.

Amato 21:24

Zo ti baba so abaa azo tongana mbumbuse ye, a iri lo “zo-ti-hengo-ndo”; sarango ye na kuru baba ahon ndö ti lo.

Amato 25:28

Zo so ayeke ngangu na lo titene lo kanga ngonzo ti lo, lo yeke tongana mbeni gbata so ngangu gbagba ayeke na tere ni pepe.

Amato 27:3

Têne na mbutu ane; me ngonzo ti zo so li ti lo ayeke daa pepe ane ahon aye use so kue.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Efeze 4:31

Batango zo na be, songo be, ngonzo, dekongo na li ti zo, zongango zo, sarango sioni na zo, alingbi aye tongaso ayeke na popo ti ala mbeni pepe.

Efeze 6:4

Ala ababâ na amama, ala sara ye ti zia ngonzo na be ti amolenge ti ala pepe. Me ala bata amolenge ni nzoni, ala fa lege na ala si ala mu na ala wango so alingbi na tënë ti *Kota Gbia.

1 Samuel 20:29

Lo tene na mbi: ‘Mbi gbu gere ti mo, zia lege na mbi, mbi gue, ngbanga ti so mbi na azo ti sewa ti mbi, e yeke mu sandaga na Nzapa si ita ti mbi ti koli airi mbi ti gue. Tongana mo baa mbi na nzoni le, mu na mbi lege ti gue ti baa a-ita ti mbi.’ Ndani laa David aga na matanga ti tengo kobe so gbia aleke so pepe.”

1 Samuel 20:31

Tongana molenge ti Yese angba na fini, fade mo yeke duti nzoni oko pepe; mo yeke ga nga gbia pepe. Mo tokua azo fafadeso ti gbu lo, ti ga na lo na mbi, ngbanga ti so lo lingbi na kuâ.”