1 Samuel 20:26 - Mbeti ti Nzapa - Tënë so amu fini

²⁶ Na lango ni so, Saul azi yanga oko pepe. Lo tene na be ti lo, lo tene: “E hinga pepe, mbeni ye asi na David wala mbeni ye asara si lo ga *sioni; gbaa lo ga *sioni awe.”

1 Samuel 20:26 ပူးပေါင်းရင်းမြစ်များ

Awayango-sandaga 11:24

“Anyama so ayeke sara si ala ga *sioni: zo so andu kuâ ti ala, lo yeke ngba *sioni ngbii asi na lakui.

Awayango-sandaga 11:27

Anyama so kue ayeke na gere osio si ala yeke na sokoto pepe, ala baa ala tongana anyama so ayeke *sioni. Zo so andu kuâ ti ala, lo yeke ngba *sioni ngbii asi na lakui.

Awayango-sandaga 11:31

Na popo ti akete nyama kue, ala baa ala ni so tongana anyama so ayeke *sioni. Zo so andu anyama ni tongana ala kui, lo yeke ngba *sioni ngbii asi na lakui.

Awayango-sandaga 11:40

Zo so ate kuâ ti nyama ni so, alingbi lo sukula abongo ti lo; lo yeke ngba *sioni ngbii asi na lakui. Zo so ayo kuâ ti nyama ni so, alingbi lo sukula abongo ti lo; lo yeke ngba *sioni ngbii asi na lakui.

Awayango-sandaga 15:5

Zo so andu gbogbo so, alingbi lo sukula abongo ti lo; alingbi lo sukula ngu. Lo yeke ngba *sioni ngbii asi na lakui.

Wungo ti azo 19:16

Tongana mbeni zo ayeke fono na ya ti ngonda si lo pika gere ti lo na kuâ ti mbeni zo so akui kuâ ti ngangu, wala senge kuâ, wala lo pika gere ti lo na abio ti kuâ wala na du ti kuâ, fade lo yeke ga *sioni na ya ti lango mbarambara.

1 Samuel 16:5

Samuel akiri tënë: “Een, mbi ga ti mu sandaga na KOTA GBIA. Ala zia tere ti ala nde ndali ti Nzapa, ala ga, e gue, e mu sandaga ni.” Samuel azia Yese na amolenge ti lo nde ndali ti Nzapa si lo iri ala titene ala ga aduti na matanga ti mungo sandaga ni.

1 Samuel 20:27

Na ndade ni nga, na use lango ti matanga ti fini nze ni, ndo ti David angba senge. Nilaa Saul ahunda molenge ti lo Jonatan, atene: “Biri na laso, molenge ti Yese aga na tengo kobe ni pepe ngbanga ti nyen?”