1 Samuel 20:23 - Mbeti ti Nzapa - Tënë so amu fini

²³ Âdu ti tënë so mbi na mo, e leke na popo ti e si e ga ambuki so, fade KOTA GBIA ayeke sara titene e bata ni kpu na kpu.”

1 Samuel 20:23 ပူးပေါင်းရင်းမြစ်များ

Tongo nda ti aye 16:5

Sarai atene na Abram: “Mbana so Agar ayeke sara na mbi so, tënë ni ayeke na li ti mo. Mbi laa mbi mu zo ti kua ti mbi, mbi zia lo na kate ti mo. Gi so lo baa lo yeke na ngo awe, mbi ne na le ti lo mbeni pepe. Ayeke nzoni KOTA GBIA afâ ya ti ngbanga so ayeke na popo ti mbi na mo.”

Tongo nda ti aye 31:49

Ambeni zo adi nga iri ni Mispa, ngbanga ti so Laban atene na Jacob: “Ayeke nzoni KOTA GBIA abaa ndo na ndö ti mbi na mo tongana e kangbi ande si e yeke baa tere pepe.

Tongo nda ti aye 31:50

Tongana mo sara pasi na amolenge ti mbi ti wali si mo kiri mo mu ambeni wali nde na ndö ti amolenge ti mbi, mo sara hange, ngbanga ti so zo laa ayeke baa e pepe, me Nzapa laa ayeke baa mbi na mo.”

Tongo nda ti aye 31:53

Ayeke nzoni Nzapa ti Abraham na Nzapa ti Nahor afâ ngbanga na popo ti mbi na mo.” Tongaso Jacob adeba yanga ti lo na iri ti Nzapa ti Isaac, babâ ti lo, Nzapa so asara ye ti ziango mbeto na be ti azo.

1 Samuel 20:24

Tongaso, David ague, ahonde tere ti lo na ya ti ngonda. Lango ti matanga ti fini nze asi awe si gbia aduti ti te kobe.

1 Samuel 20:42

Jonatan atene na David: “Gue nzoni! Biani, e use kue, e deba yanga ti e na iri ti KOTA GBIA awe: ayeke nzoni KOTA GBIA aduti na popo ti mbi na mo, na popo ti *ahale ti mbi nga na ahale ti mo kpu na kpu.”