1 Samuel 20:21 - Mbeti ti Nzapa - Tënë so amu fini

²¹ Na pekoni, mbi yeke tokua zo ti kua ti mbi titene lo gue, lo gi ale ti kokora ni. Tongana mbi tene na lo, mbi tene: ‘Ale ti kokora ni ayeke nduru ge, mu ni!’ So aye ti tene ye kue ayeke nzoni ndali ti mo, mo lingbi ti ga senge. KOTA GBIA ayeke na fini!

1 Samuel 20:21 ပူးပေါင်းရင်းမြစ်များ

Jérémie 12:16

Tongana azo ni amanda lege ti dutingo ni tongana ti azo ti mbi, tongana azo ni adeba na iri ti mbi, atene: ‘KOTA GBIA ayeke na fini!’, tongana ti so a fa na ala ti deba na iri ti *Baal, fade azo ni ayeke wara ndo ti duti daa na popo ti azo ti mbi.

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Jérémie 5:2

Ala yeke deba yanga ti ala, atene: “*KOTA GBIA ayeke na fini!” Andaa so ayeke dengo ba ti mvene.

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”

1 Samuel 20:20

Ti mbi, fade mbi yeke bi ale ti kokora ota na mbage so têne ni ayeke daa, mo baa mo tene, mbi ye ti kpo mbeni ye.

1 Samuel 20:22

Me tongana mbi tene na zo ti kua ni, mbi tene: ‘Ale ti kokora ni angba yongoro kâ’, ayeke nzoni mo londo mo hon, ngbanga ti so KOTA GBIA aye titene mo hon.

1 Samuel 20:36

Lo tene na molenge ni: “Mbi yeke bi ale ti kokora, fade mo mu loro, mo mu, mo ga na ni na mbi.” Molenge ni amu loro si Jonatan abi le ti kokora ni yongoro kâ na dawa ti lo.