1 Samuel 20:2 - Mbeti ti Nzapa - Tënë so amu fini

² Jonatan akiri tënë na lo: “Oko pepe! Fade mo yeke kui pepe. Tongana babâ ti mbi aye ti sara mbeni ye, wala kota ye, wala kete ye, lo yeke tene tënë ni na mbi kozoni. Babâ ti mbi ahonde tënë so na mbi ngbanga ti nyen? Ye ni alingbi ti duti tongaso pepe.”

1 Samuel 20:2 ပူးပေါင်းရင်းမြစ်များ

Tongo nda ti aye 44:7

Ala kiri tënë na lo, atene: “Kota zo, mo tene mara ti tënë tongaso ngbanga ti nyen? E azo ti gbe ti mo, e lingbi ti sara mara ti ye tongaso laoko pepe.

Abia (Psaumes) 40:6

KOTA GBIA, Nzapa ti mbi, mo sara akota ye na aye ti kpene mingi ndali ti e! Mbeni zo ti lingbi na mo ayeke daa pepe. Mbi ye ti tene tënë ni na azo, mbi ye ti fa tënë ni na ala; me atënë ni ayeke gbani, mbi lingbi ti tene ni kue pepe.

Amato 29:24

Zo so asara songo na zo ti nzi, zo ni asara sioni gi na lo wani. Lo ma tënë ti dengo ba so aye ti ga na ndö ti lo so kue, me lo ke ti fa zo ti nzi ni.

Ésaïe 50:5

Kota Gbia NZAPA azi mê ti mbi, mbi sara ngangu li pepe, mbi kiri na peko pepe.

Nzoni Tënë so Luc asu na mbeti 20:16

Fade lo yeke ga ti fâ azo ti fango yaka so si lo yeke mu yaka ni na ambeni zo nde.” So azo ni ama tënë so, ala tene: “Ye ni ayeke si oko pepe!”

Jean 15:15

Mbi yeke kiri ti iri ala azo ti kua pepe, ngbanga ti so zo ti kua ahinga ye so makonzi ti lo ayeke sara pepe. Me mbi iri ala amba ti mbi so mbi na ala e ye tere, ngbanga ti so mbi fa na ala aye so kue mbi ma na yanga ti Babâ.

Jean 17:8

Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.

Josué 22:29

E lingbi ti ke KOTA GBIA wala ti zia lege ti lo oko pepe. E sara gbalaka ti ya na ndö ni sandaga ti anyama so a yeke gbi ni kue na wâ pepe wala asandaga ti ale ti kobe, wala ambeni sandaga nde pepe. E ye ti ya asandaga ni na mbeni ndo nde pepe, me gi na ndö ti gbalaka ti KOTA GBIA Nzapa ti e, gbalaka so ayeke na dawa ti da ti lo.”

Josué 24:16

Azo ni akiri tënë: “E lingbi ti zia KOTA GBIA oko pepe ti sara kua na ambeni nzapa nde!

1 Samuel 14:45

Me aturugu atene na Saul: “Jonatan so asara si azo ti Israel aso benda so, fade lo yeke kui biani? Tongana e fâ lo, so ayeke sioni ye mingi. KOTA GBIA ayeke na fini! E yeke yeda titene kua ti li ti Jonatan oko ati na sese pepe, ngbanga ti so lo na Nzapa laa asara ye so laso!” Tongaso aturugu asoo Jonatan na ya ti kuâ.

1 Samuel 20:1

David alondo na kodro ti Nayot so ayeke nduru na Rama, lo kpe, lo hon. Lo gue, lo wara Jonatan si lo tene na lo: “Nyen laa mbi sara na babâ ti mo, nyen? Sioni ti nyen wala siokpari ti nyen laa mbi sara na lo si lo yeke gi lege ti fâ mbi so?”

1 Samuel 20:12

Jonatan atene na David: “Na iri ti KOTA GBIA, Nzapa ti Israel, kekereke wala mbeni kekereke asi na ngbonga tongaso, fade mbi yeke li na ya ti babâ ti mbi ti hinga tënë ti be ti lo. Tongana tënë ti be ti lo ayeke nzoni na mbage ti mo David, fade mbi yeke tokua mbeni zo na mo pepe.

1 Samuel 20:3

David akiri adeba yanga ti lo, atene: “Babâ ti mo ahinga kue atene, mo ye mbi mingi. Lo tene na be ti lo, lo tene: ‘Ayeke nzoni Jonatan ahinga tënë so pepe ngbanga ti be ti lo aso.’ *KOTA GBIA ayeke na fini! Mo nga, mo yeke na fini! Angba kete ka mbi kui.”

1 Samuel 9:15

Lango oko kozoni si Saul aga, *KOTA GBIA atene tënë ni na Samuel awe, atene: