1 Samuel 20:13 - Mbeti ti Nzapa - Tënë so amu fini

¹³ Me tongana babâ ti mbi aleke na be ti lo ti sara sioni na mo si mbi tene tënë ni na mo pepe, ayeke nzoni KOTA GBIA asara ye ti ngangu mingi na mbi! Fade mbi yeke zia lege na mo ti gue senge. Mbi sambela titene KOTA GBIA aduti na mo tongana ti so lo duti lani na babâ ti mbi so.

1 Samuel 20:13 ပူးပေါင်းရင်းမြစ်များ

2 Samuel 19:13

Ala azo ti Juda, ala yeke a-ita ti lo, taa a-ita ti lo. Ala laa alingbi ti duti andangba zo so ayeke mu gbia ti kiri na lo?’

2 Samuel 3:35

Na pekoni, so ndo ade ti vuko pepe, azo ni aga na kobe na David. Me David adeba yanga ti lo, atene: “Tongana lâ ade ti kui pepe si mbi te mbeni ye wala mbeni kobe andu yanga ti mbi, ayeke nzoni Nzapa asara ye ti ngangu mingi na mbi.”

2 Samuel 7:15

Me a yeke zi nzoni be ti mbi na lo pepe, tongana ti so mbi zi nzoni be ti mbi na Saul so mbi zi lo na dawa ti mo.

1 Agbia 1:37

Ayeke nzoni KOTA GBIA aduti na Salomon, tongana ti so lo duti na mo; lo sara titene lengo-gbia ti lo aga kota ahon ti mo, gbia!”

1 Agbia 19:2

Tongaso Yezabel atokua mbeni zo na Élie ti tene na lo: “Kekereke gi na oko ngbonga so, tongana mbi sara na mo mara ti ye so mo sara na awayanga ti nzapa Baal so pepe, ayeke nzoni anzapa asara ye ti ngangu mingi na mbi!”

1 Agbia 20:10

Ben-Hadad akiri atokua azo na Akab ti tene na lo: “Fade mbi yeke nika gbata ti Samarii biani biani! Mbeni kete fuku ti sese ayeke ngba na ya ti gbata ni pepe titene aturugu ti mbi kue afu ni na ya ti maboko ti ala! Tongana mbi nika gbata ni pepe, ayeke nzoni anzapa asara ye ti ngangu mingi na mbi!”

1 Mbai 22:11

Ti fadeso, molenge ti mbi, ayeke nzoni KOTA GBIA aduti na mo si kua ti kota da ni atambula nzoni alingbi na tënë so lo tene ndali ti mo.

1 Mbai 22:16

Ti lôro, ti wen ti nginza, ti bengba wen na wen, a lingbi ti diko ni pepe. Londo mo gbu kua; ayeke nzoni KOTA GBIA aduti na mo.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Filipe 4:9

Ye so mbi fa na ala, ye so ala ma ni si ala baa mbi na sarango ni, ayeke nzoni ala sara ni. Fade Nzapa so ayeke mu siriri na zo ayeke duti na ala.

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.

Ruth 1:17

Ndo so mo yeke kui ande daa, mbi nga, mbi yeke kui daa si a yeke lu mbi daa. Gi kuâ laa ayeke kangbi popo ti mbi na mo. Tongana mbi hon mbi zia mo, ayeke nzoni KOTA GBIA asara ye ti ngangu mingi na mbi!”

1 Samuel 10:7

Tongana mo baa aye so kue asi, sara ye so kue mo lingbi ti sara, ngbanga ti so Nzapa ayeke na mo.

1 Samuel 14:47

Gi so Saul aga gbia ti Israel awe, lo tiri bira na awato ti lo kue so angoro lo: azo ti Moab, azo ti Amon, azo ti Edom, agbia ti Soba nga na azo ti Filistii. Na ndo so kue lo hon daa, lo so benda.

1 Samuel 17:37

David akiri atene: “*KOTA GBIA so azi mbi na maboko ti bamara nga na maboko ti urse so, fade lo yeke zi mbi na maboko ti zo ti Filistii so.” Tongaso, Saul atene na David: “Mo gue, fade KOTA GBIA aduti na mo.”

1 Samuel 18:12

Saul asara mbeto ti David, ngbanga ti so Saul ahinga atene, *KOTA GBIA ake lo awe si lo yeke na David.

1 Samuel 19:3

Ti mbi, fade mbi yeke sigigi, mbi tambula na babâ ti mbi na yaka so mo yeke gue ande daa. Mbi yeke tene tënë ti mo na babâ ti mbi ti hinga tënë ti be ti lo si mbi yeke tene peko ni na mo.”

1 Samuel 20:12

Jonatan atene na David: “Na iri ti KOTA GBIA, Nzapa ti Israel, kekereke wala mbeni kekereke asi na ngbonga tongaso, fade mbi yeke li na ya ti babâ ti mbi ti hinga tënë ti be ti lo. Tongana tënë ti be ti lo ayeke nzoni na mbage ti mo David, fade mbi yeke tokua mbeni zo na mo pepe.

1 Samuel 20:14

Tongana mbi ngba na fini, ayeke nzoni mo sara nzoni be na mbi tongana ti so KOTA GBIA atene tënë ni; tongana mbi kui,

1 Samuel 25:22

Tongaso kekereke na ndaperere, tongana mbi fâ akoli ti da ti Nabal kue pepe, ayeke nzoni Nzapa asara ye ti ngangu mingi na mbi!”

1 Samuel 3:17

Heli ahunda lo, atene: “Tënë ti nyen laa KOTA GBIA atene na mo, nyen? Mo honde mbeni tënë oko na mbi pepe. Tongana mo honde na mbi mbeni tënë oko so lo tene na mo, ayeke nzoni Nzapa asara ye ti ngangu mingi na mo!”