1 Samuel 20:12 - Mbeti ti Nzapa - Tënë so amu fini

¹² Jonatan atene na David: “Na iri ti KOTA GBIA, Nzapa ti Israel, kekereke wala mbeni kekereke asi na ngbonga tongaso, fade mbi yeke li na ya ti babâ ti mbi ti hinga tënë ti be ti lo. Tongana tënë ti be ti lo ayeke nzoni na mbage ti mo David, fade mbi yeke tokua mbeni zo na mo pepe.

1 Samuel 20:12 ပူးပေါင်းရင်းမြစ်များ

2 Samuel 21:7

Gbia abata Mefibaal, molenge ti Jonatan, ata ti Saul, ngbanga ti so lo na Jonatan asara lani *mbuki na dawa ti KOTA GBIA.

Mbeti ti Job 31:4

Ti Nzapa, lo yeke baa sarango ye ti mbi pepe? Lo yeke diko peko ti gere ti mbi pepe?

Abia (Psaumes) 17:3

Mo gi ya ti atënë ti be ti mbi awe. Na bi, mo ga ti gi ti hinga mbi nzoni, mo tara be ti mbi, mo wara ye oko pepe; tënë so mbi gbu li ti mbi daa, ni laa asigigi na yanga ti mbi pepe.

Amato 20:5

Atënë ti be ti zo ali tongana kota ngu; zo so ahinga ndo laa alingbi ti sigigi na ni.

Josué 22:22

“Nzapa, Nzapa, KOTA GBIA! Nzapa, Nzapa, KOTA GBIA! Lo yeke Nzapa so ayeke na ndö ti anzapa kue. Lo hinga nda ti ye so e sara. Fade azo ti Israel kue ayeke hinga nda ti ye ni. Tongana e sara ngangu li wala e sara mbeni ye so ayeke sioni mingi ti ke KOTA GBIA, ayeke nzoni lo soo e na lango ni so pepe!

1 Samuel 20:11

Jonatan atene na David: “Ga e sigigi, e gue na ya ti ngonda.” Tongaso ala use kue asigigi, ague na ya ti ngonda.

1 Samuel 20:13

Me tongana babâ ti mbi aleke na be ti lo ti sara sioni na mo si mbi tene tënë ni na mo pepe, ayeke nzoni KOTA GBIA asara ye ti ngangu mingi na mbi! Fade mbi yeke zia lege na mo ti gue senge. Mbi sambela titene KOTA GBIA aduti na mo tongana ti so lo duti lani na babâ ti mbi so.

1 Samuel 23:18

Ala use kue aleke tënë ti *mbuki na popo ti ala na dawa ti KOTA GBIA. David angba ti lo na Horsha si Jonatan akiri na ndo ti lo.