1 Samuel 20:10 - Mbeti ti Nzapa - Tënë so amu fini

¹⁰ David atene na Jonatan: “Tongana babâ ti mo akiri sioni tënë na mo, zo wa laa ayeke tene ande tënë ni na mbi, zo wa?”

1 Samuel 20:10 ပူးပေါင်းရင်းမြစ်များ

Tongo nda ti aye 42:30

“Koli so ayeke komanda ti kodro ni so atene tënë na e na ngangu. Lo mu e tongana azo ti *bembengo ndo.

Tongo nda ti aye 42:7

Joseph abaa a-ita ti lo ni, lo hinga ala. Me lo sara titene ala hinga lo pepe. Lo tene tënë na ala na ngangu, lo tene: “Ala londo na ndo wa?” Ala kiri tënë na lo, atene: “E londo na sese ti Kanaan si e ga ti vo kobe.”

1 Agbia 12:13

Gbia Roboam abaa wango so akangba amu na lo tongana mbumbuse ye; lo kiri tënë na azo ni sioni sioni.

Amato 18:23

Wayere ayeke tene tënë na vorongo tere; me zo ti mosoro ayeke kiri tënë ngangu ngangu.

1 Samuel 20:11

Jonatan atene na David: “Ga e sigigi, e gue na ya ti ngonda.” Tongaso ala use kue asigigi, ague na ya ti ngonda.

1 Samuel 20:9

Jonatan atene na lo: “Oko pepe. Tongana mbi ma a tene, babâ ti mbi aye ti fâ mo biani, fade mbi yeke tene tënë ni na mo. Mbi deba yanga ti mbi na mo.”

1 Samuel 25:10

Nabal akiri tënë na azo ti kua ti David, atene: “David ni ayeke zo wa? Molenge ti Yese ni ayeke zo wa? Fadeso angbaa mingi ayeke kpe na ndo ti awa ti ala.

1 Samuel 25:14

Mbeni zo ti kua ti Nabal aga atene tënë ni na Abigail, wali ti Nabal, atene: “David ayeke kâ na benyama, lo tokua azo ti bara wa ti e si wa ti e awara ala nzoni pepe.

1 Samuel 25:17

Fadeso, gbu li ti mo nzoni na ndö ti ye so mo lingbi ti sara, ngbanga ti sioni ye ayeke ti na ndö ti wa ti e nga na asewa ti lo kue. Wa ti e ayeke mbeni buba zo, zo alingbi ti tene tënë na lo pepe.”