1 Samuel 20:1 - Mbeti ti Nzapa - Tënë so amu fini

¹ David alondo na kodro ti Nayot so ayeke nduru na Rama, lo kpe, lo hon. Lo gue, lo wara Jonatan si lo tene na lo: “Nyen laa mbi sara na babâ ti mo, nyen? Sioni ti nyen wala siokpari ti nyen laa mbi sara na lo si lo yeke gi lege ti fâ mbi so?”

1 Samuel 20:1 ပူးပေါင်းရင်းမြစ်များ

Abia (Psaumes) 54:3

Nzapa, soo mbi ndali ti iri ti mo; na lege ti ngangu ti mo, fâ ngbanga ti mbi.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.

1 Jean 3:21

A-ita ti mbi so mbi ye ala mingi, tongana be ti e ayeke bi tënë na li ti e pepe, e yeke zia be ti e kue kue kue na ndö ti Nzapa.

1 Samuel 12:3

Baa, mbi laa na dawa ti ala so. Tongana mbi sara mbeni ye ti sioni, ayeke nzoni ala fa ni na le ti *KOTA GBIA nga na le ti gbia so lo soro lo so. Zo wa laa mbi mu bagara ti lo wala lele ti lo, zo wa? Zo wa laa mbi mu ye ti lo na haram wala mbi sara ngangu na lo, zo wa? Zo wa laa apete goro na mbi si mbi kanga le na ndö ti tënë ti lo, zo wa? Fade mbi yeke kiri na ni na lo.”

1 Samuel 19:1

Saul atene na molenge ti lo Jonatan nga na azo ti gbe ti lo so lo leke na be ti lo ti fâ David. Andaa Jonatan, molenge ti Saul aye David mingi.

1 Samuel 19:18

So David akpe ahon, lo gue na kodro ti Rama na ndo ti Samuel si lo fa na Samuel peko ti aye so kue Saul asara na lo. Na pekoni, lo na Samuel ague ti lango na kodro ti Nayot.

1 Samuel 20:2

Jonatan akiri tënë na lo: “Oko pepe! Fade mo yeke kui pepe. Tongana babâ ti mbi aye ti sara mbeni ye, wala kota ye, wala kete ye, lo yeke tene tënë ni na mbi kozoni. Babâ ti mbi ahonde tënë so na mbi ngbanga ti nyen? Ye ni alingbi ti duti tongaso pepe.”

1 Samuel 20:32

Jonatan akiri tënë na babâ ti lo Saul, atene: “A yeke fâ lo ngbanga ti nyen? Nyen laa lo sara?”

1 Samuel 24:11

Laso, mo baa na le ti mo wani awe; laso KOTA GBIA azia mo na maboko ti mbi na ya ti du ti têne so. Azo atene na mbi ti fâ mo, me mbi ke si mbi tene: ‘Maboko ti mbi alingbi ti ndu kota zo ti mbi pepe, ngbanga ti so KOTA GBIA atuku mafuta na li ti lo awe.’

1 Samuel 24:12

Babâ gbia, baa ye! Baa yanga ti kota bongo ti mo laa ayeke na maboko ti mbi so! So mbi fâ yanga ti kota bongo ti mo si mbi fâ mo pepe so, ayeke nzoni mo hinga, mo tene, be ti mbi ayeke sioni na tere ti mo pepe, wala be ti mbi ake mo pepe si mbi sara nga sioni ti ke mo pepe. Mo laa mo yeke tumba peko ti mbi ti fâ mbi.

1 Samuel 24:17

So David atene tënë so awe, Saul ahunda ndo, atene: “David molenge ti mbi, taa go ti mo laa?” Na pekoni, Saul ati na kota toto.

1 Samuel 24:9

Na pekoni, David alondo na ya ti du ti têne ni asigigi si lo dekongo na peko ti Saul, atene: “Gbia, kota zo ti mbi.” Saul abaa ndo na peko ti lo. David akuku akpo li ti lo na sese.

1 Samuel 26:18

David akiri atene: “Gbia ti mbi, mo yeke tumba peko ti mbi, zo ti kua ti mo ngbanga ti nyen? Nyen laa mbi sara, nyen? Sioni ti nyen laa mbi sara?