1 Samuel 2:8 - Mbeti ti Nzapa - Tënë so amu fini

⁸ Zo so ayeke na ngangu pepe si ayeke lango na ya ti fuku ti sese, KOTA GBIA laa ayeke mu lo na nduzu. Zo ti mawa so ayeke lango na ya ti azende, KOTA GBIA ayeke mu lo ti zia lo na popo ti akota zo. Lo yeke mu azo ti mawa ti zia ala na kota ndo. Agere ti sese ayeke ti KOTA GBIA; lo laa lo leke sese ni na ndö ni.

1 Samuel 2:8 ပူးပေါင်းရင်းမြစ်များ

Tongo nda ti aye 41:14

Gbia Faraon atokua titene a iri Joseph. Azo ague hio asigigi na lo na da ti kanga ni. A kio kua ti yanga ti lo; lo yu mbeni bongo nde si lo gue na dawa ti gbia.

Tongo nda ti aye 41:40

Mo laa mo yeke duti na ndö ti kodro ti mbi kue. Azo ti kodro ti mbi kue ayeke ma yanga ti mo; gi mbata ti gbia ti mbi oko laa ayeke fa atene, mbi yeke kota mbi hon mo.

2 Samuel 7:8

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

1 Agbia 16:2

“Ando mbi zi mo na ya ti fuku ti sese si mbi zia mo makonzi na ndö ti azo ti Israel, azo ti mbi. Me mo mu peko ti sioni sarango ye ti Yeroboam. Mo pusu azo ti Israel ti sara siokpari; siokpari ti ala ni asara si ngonzo ti mbi alondo.

2 Agbia 9:6

Yehu alondo si lo na wayanga-Nzapa ali na ya ti da. Wayanga-Nzapa ni atuku mafuta na li ti lo si atene: “Tënë so KOTA GBIA, Nzapa ti Israel atene ayeke so: ‘Mbi tuku mafuta so na li ti mo titene mo ga gbia na ndö ti azo ti Israel, azo ti KOTA GBIA.

Mbeti ti Job 1:21

si lo tene: “Mbi sigigi na ya ti mama ti mbi, tere ti mbi senge; mbi yeke kiri na ya ti sese, tere ti mbi senge. KOTA GBIA amu ye na mbi, KOTA GBIA akiri amu ye ti lo. Ayeke nzoni e mu singila na KOTA GBIA!”

Mbeti ti Job 2:8

Job aduti na ya ti mburu ti wâ, lo mu fango ta si lo yeke kpaka na tere ti lo.

Abia (Psaumes) 102:25

Mbi tene: “Nzapa ti mbi, mo yeke na fini kpu na kpu! Mbi de ti si na ndambo ti lango ti fini ti mbi pepe; zi fini ti mbi ni hio tongaso pepe!”

Abia (Psaumes) 104:5

Mo sara si sese aluti ngangu na ndö ti agere ti lo; sese ni ayeke yingi laoko pepe.

Abia (Psaumes) 107:41

Me azo so ye atia ala, lo yeke zi ala na ya ti pasi, lo yeke sara si asewa ti ala awu mingi tongana anyama ti ala.

Abia (Psaumes) 24:2

Lo laa lo zia sese na ndö ti akota ngu-ingo, lo gbu ni ngangu si aluti na ndö ti *abale.

Abia (Psaumes) 75:3

Nzapa atene: “Ngoi so mbi diko so, tongana alingbi awe, mbi wani laa mbi yeke fâ ngbanga na legeni.

Abia (Psaumes) 75:4

Fade sese na azo ti ndö ni kue ayeke yingi. Mbi laa mbi sara si gere ti sese aluti ngangu pepe?” Luti kete

Abia (Psaumes) 75:7

Ye so asara si zo aga kota alondo na To wala na Do pepe, ye so asara si zo aga kota alondo nga na benyama pepe,

Zo ti bongbingo azo 4:14

Ataa tongana molenge ni asigigi na da ti kanga titene lo le-gbia, ataa tongana a du lo wayere na kodro so fade lo yeke duti gbia daa,

Ésaïe 22:23

Mbi yeke sara titene lo kpengba na ndo so lo yeke daa tongana kota pondi so a pika si alinda na ndo so akpengba kpengbango.”

Daniel 2:48

Na pekoni, gbia asara si Daniel aga kota zo mingi. Lo mu na lo gba ti anzoni ye, lo zia lo ti sara komandema na ndö ti kodro ti Babilone kue. Lo zia nga lo makonzi na li ti azo ti nganga so kue ayeke na Babilone.

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 6:3

Lo zia na li ti ala agbenyogbia ota; oko ti agbenyogbia ni ayeke Daniel. Amakonzi ni ayeke fa peko ti akua ti ala na agbenyogbia ota so, tongaso si iri ti gbia alingbi ti buba pepe.

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

Aye so Nzapa afa 1:6

Lo sara si e ga azo ti Kodro-gbia ti Nzapa, awayango-sandaga ti sara kua ndali ti Nzapa Babâ ti lo. Gonda na ngangu ayeke ti Christ kpu na kpu! Amen.

Aye so Nzapa afa 22:5

Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.

Aye so Nzapa afa 5:10

Mo sara si ala ga azo ti Kodro-gbia ti Nzapa, awayango-sandaga ti sara kua na Nzapa ti e; fade ala yeke le-gbia na ndö ti sese.”

1 Samuel 15:17

Samuel atene: “So mo yeke baa tere ti mo wani lani tongana kete zo so, KOTA GBIA laa asara si mo ga makonzi na li ti azo ti Israel pepe? Lo tuku mafuta na li ti mo si mo ga gbia ti azo ti Israel.