1 Samuel 2:6 - Mbeti ti Nzapa - Tënë so amu fini

⁶ KOTA GBIA laa ayeke sara si zo akui, lo laa lo yeke sara si zo akiri na fini. KOTA GBIA laa ayeke sara si zo azu na ndo ti akuâ, lo laa lo yeke sara si zo asigigi na ndo ti akuâ.

1 Samuel 2:6 ပူးပေါင်းရင်းမြစ်များ

1 Agbia 17:22

KOTA GBIA ama sambela ti Élie. Yingo ti molenge ni akiri daa si lo yeke na fini.

2 Agbia 5:7

So gbia ahunzi ti diko mbeti ni awe, lo suru bongo na tere ti lo si lo tene: “Mbi yeke Nzapa so alingbi ti sara titene zo akui wala titene zo angba na fini? Gbia ti Sirii atokua na mbi mbeni zo titene mbi zi buruma na tere ti lo! Ala baa awe: so gingo yanga laa!”

Mbeti ti Job 5:18

Nzapa ayeke zia ka na tere ti zo, lo laa lo yeke kanga ka ni; lo yeke pika zo, lo laa lo yeke sara si tere ti zo aga nzoni.

Abia (Psaumes) 116:3

Kuâ akanga mbi na kamba ti lo awe, ndo ti akuâ agbu mbi na zingiri ti lo; ye ti ngangu asi na mbi si mbi yeke na vundu.

Abia (Psaumes) 30:4

KOTA GBIA, mo sara si mbi sigigi na ndo ti akuâ; mo sara si mbi ngba na fini na ndembe so mbi yeke zu na ya ti du ti kuâ.

Abia (Psaumes) 68:20

Na ya ti lango oko oko, e mu singila na Kota Gbia! Lo laa lo mu e ti bata e, Nzapa so ayeke soo e na kuâ. Luti kete

Abia (Psaumes) 71:20

Mo so mo sara si aye ti ngangu na aye ti vundu mingi asi na mbi, me fade mo yeke kiri ti mu na mbi fini; mo yeke kiri ti zi mbi na ya ti kota du so ali mingi ti sigigi na mbi.

Zo ti bongbingo azo 3:3

Ngoi ti fango zo ayeke daa, ngoi ti kaingo kobela na tere ti zo ayeke daa; ngoi ti kungbingo da ayeke daa, ngoi ti sarango da ayeke daa.

Ésaïe 26:19

Azo ti mbi, azo ti ala so akui so, ala yeke kiri ti duti na fini, ala yeke zingo na kuâ. Ala azo so alango na ya ti fuku ti sese, ala zingo, ala dekongo na ngia! Biani, *KOTA GBIA ayeke tokua na ala ngu ti pere so ayeke mu lumiere, ndali ti ngu ti pere ni, sese ayeke sara si akuâ akiri ti duti na fini.

Ezekiel 37:12

Ndani laa, tene peko ti tënë ti yanga ti mbi, mo tene na ala: Tënë so Kota Gbia NZAPA atene ayeke so: Mbi yeke zi yanga ti adu ti kuâ ti ala, mbi yeke sara titene ala sigigi na ya ti adu ti kuâ ni, ala azo ti mbi. Mbi yeke kiri na ala na sese ti Israel.

Ezekiel 37:3

KOTA GBIA ahunda mbi: “*Molenge ti zo, abio so alingbi ti kiri ti duti na fini?” Mbi kiri tënë: “Kota Gbia NZAPA, mo laa mo hinga!”

Matthieu 12:40

Biani, tongana ti so Jonas asara lango ota na bi ota na ya ti kota susu, fade *Molenge ti Zo ayeke sara nga lango ota na bi ota na gbe ti sese.

Jean 11:25

Jésus atene na lo: “Mbi yeke zingongo ti akuâ, mbi yeke fini. Zo so ama na be na mbi, ataa lo kui, fade lo yeke duti na fini.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.

1 Samuel 20:3

David akiri adeba yanga ti lo, atene: “Babâ ti mo ahinga kue atene, mo ye mbi mingi. Lo tene na be ti lo, lo tene: ‘Ayeke nzoni Jonatan ahinga tënë so pepe ngbanga ti be ti lo aso.’ *KOTA GBIA ayeke na fini! Mo nga, mo yeke na fini! Angba kete ka mbi kui.”