1 Samuel 2:36 - Mbeti ti Nzapa - Tënë so amu fini

³⁶ Tongana mbeni zo ti sewa ti mo oko angba na fini, fade lo yeke ga ti kuku na gbe ti wayango-sandaga ti hunda na lo kete pata, wala mbeni kete mapa. Fade lo yeke tene na wayango-sandaga ni, lo tene: ‘Mbi gbu gere ti mo, mu na mbi mbeni kua ti wayango-sandaga titene mbi sara si mbi lingbi ti wara mbeni kete kobe ti tengo ni maa!’ ”

1 Samuel 2:36 ပူးပေါင်းရင်းမြစ်များ

1 Agbia 2:27

Salomon azi Abiatar na kua ti wayango-sandaga ti *KOTA GBIA. Tongaso tënë so KOTA GBIA atene ando na ndö ti azo ti sewa ti kota wayango-sandaga Heli na ya ti kota da ti Nzapa na Silo aga taa-tënë.

2 Agbia 23:9

Awayango-sandaga so ayeke sara kua na ando so azo aleke na ndö ti ahoto ti voro anzapa nde daa, a kanga lege na ala ti ya asandaga na ndö ti gbalaka ti KOTA GBIA so ayeke na Jérusalem; me ala lingbi ti te gi mapa so a sara na mama ni pepe tongana amba ti ala.

Amato 14:19

Fade asioni zo ayeke kuku na gbe ti azo ti nzoni si azo ti sioni ayeke ku na yanga-da ti azo ti nzoni.

Malashii 1:13

Ala yeke tene nga, atene: ‘Ae! So pasi ti nyen?’ Ala ne mbi pepe. Tënë so KOTA GBIA so ayeke na ndö ti dunia kue atene laa. Ala mu nyama so ala nzi nzingo, wala nyama so gere ti lo abuba, wala nyama so ayeke na kobela si ala mu na mbi na sandaga. Mara ti anyama tongaso laa alingbi ti nzere na be ti mbi? Tënë so KOTA GBIA atene laa.

Awafango-ngbanga 17:10

Mika atene na lo: “Mo ngba na ndo so, mo ga tongana babâ ti mbi na wayango-sandaga ti mbi; mbi yeke mu na mo ale ti nginza baleoko na ya ti ngu oko oko, mbi yeke mu nga na mo abongo nga na kobe.” Zo ti mara ti Lévi ni ali

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.

1 Samuel 3:1

Molenge Samuel ayeke sara kua na *KOTA GBIA na gbe ti Heli. Na ngoi ni so, KOTA GBIA ayeke tene ando tënë na azo mingi mingi pepe; wala ayeke ngangu titene lo fa mbeni ye na zo na ya ti mbeni ye tongana bango-li.